Yaponiyada yerli əhalinin sayı son 42 ildə ilk dəfə 120 milyon nəfərdən aşağı enib.

Far.Az xəbər verir ki, bu barədə Yaponiyanın Daxili İşlər və Rabitə Nazirliyi məlumat yayıb.

Rəsmi statistikaya əsasən, 2025-ci ildə ölkə vətəndaşlarının sayı əvvəlki illə müqayisədə 917 min nəfər azalaraq 119 milyon 736 min 483 nəfərə düşüb. Bu, 1968-ci ildən bəri qeydə alınan ən böyük illik azalma hesab olunur.

Məlumata görə, ötən il Yaponiyada təxminən 670 min uşaq dünyaya gəlib, 1,6 milyona yaxın insan isə vəfat edib.

Bununla yanaşı, ölkədə yaşayan xarici vətəndaşların sayı artıb. Daimi yaşayış icazəsi olan əcnəbilərin sayı 354 min nəfər artaraq 4 milyon 31 min 159 nəfərə çatıb.

Beləliklə, xarici vətəndaşlar da daxil olmaqla Yaponiyanın ümumi əhalisi 123 milyon 767 min 642 nəfər təşkil edib.

Mütəxəssislər əhalinin azalmasını əsasən cəmiyyətin yaşlanması və doğum səviyyəsinin aşağı düşməsi ilə əlaqələndirirlər.

Oxşar xəbərlər

Heydər Əliyev Fondunun dəstəyi ilə alınan musiqi alətlərinin təqdimatı olub

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Alla Puqaçova ilə 11 il yaşadığı evi 240 milyona satır

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN