Azərbaycan cüdoçuları Ekvadorun Quayakil şəhərində keçiriləcək yeniyetmələr arasında dünya çempionatından uğurlu nəticə ilə dönmək istəyirlər.

Bunu "Report"a açıqlamasında yığmanın baş məşqçisi Emin İskəndərov deyib.

Mütəxəssis Cənubi Amerika qitəsində keçiriləcək mundialda Azərbaycan təmsilçilərinin uğurlu çıxış edəcəyinə inandığını söyləyib:

"Dünya çempionatında hədəfimiz Avropa çempionatında olduğu kimi böyük nailiyyətlər əldə etməkdir. İdmançılarımız hazırda tam formadadırlar. Şükürlər olsun ki, zədəli cüdoçularımız yoxdur. Onlarda yüksək potensial var. İnanıram ki, qitə birinciliyindəki uğurları mundialda təkrarlaya biləcəklər. Bunu məşqçi kimi görə bilirəm".

O, dünya və Avropa seçmpionatlarının bir-birindən fərqləndiyini bildirib:

"Təbii ki, dünya çempionatının müəyyən qədər özünə görə çətin tərəfləri var. Lakin sevindirici haldır ki, idmançılarımızda o xarakter var. Cüdoçuların hər biri Ekvadordan uğurlu nəticə ilə dönmək istəyirlər. Deyə bilərəm ki, hər bir idmançı həm fiziki, həm də psixoloji cəhətdən yarışa hazırdırlar".

Qeyd edək ki, avqustun 20-dən 23-dək təşkil olunacaq yarışda Azərbaycan 9 çəki dərəcəsində 14 cüdoçu (10 oğlan, 4 qız) ilə təmsil olunacaq.

Oxşar xəbərlər

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

SEVİNDİRİCİ XƏBƏR - Bu kəndlərdə yeni su şəbəkələrinin qurulması planlaşdırılır