Bu gün Mingəçevirdə, Kür çayının sahilində "Kürü keçək?! 5" açıq suda üzmə yarışı keçirilib.

Far.Az report-a istinadən xəbər verir ki, yarış Gənclər və İdman Nazirliyi, Azərbaycan Üzgüçülük Federasiyası və Bakı Şəhər Halqası Əməliyyat Şirkətinin birgə təşkilatçılığı ilə baş tutub.

Sağlam həyat tərzinin təşviqi, su idman növlərinin təbliği, daha geniş yayılması və inkişaf etdirilməsi məqsədilə təşkil olunan "Kürü keçək?!" yarışı Mingəçevirdə artıq 5-ci dəfə təşkil edilib.

Yarış 12 yaşdan 75 yaşadək üzgüçüləri bir araya gətirib. Bu il ilk dəfə olaraq yarış iki məsafə üzrə təşkil olunub – 350 metr və 1000 metr. İştirakçılar kişilər və qadınlar arasında 6 yaş kateqoriyası üzrə mübarizə aparıblar.

Gərgin və maraqlı mübarizə ilə yadda qalan yarışda aşağıdakı iştirakçılar qalib adını qazanıblar:

350 metr:

12-17 yaş (qızlar)

1. Aleksandra Slepenko

12-17 yaş (oğlanlar)

1. Yusif Sofiyev

⁠18-23 yaş (qızlar)

1. Gülarə Nəzərova

18-23 yaş (oğlanlar)

1. Matsvey Danilau

24-35 yaş (qızlar)

1. Tubu Abdulzade

24-35 yaş (oğlanlar)

1. Hüseyn İsnayıllı

36-55 yaş (qadınlar)

1. Yelena Dubentsova

36-55 yaş (kişilər)

1. Roman Vladıka

⁠56-70 yaş (qadınlar)

1. Natalya Baykova

56-70 yaş (kişilər)

1. Pyotr Kuvshinov

71 yaşdan yuxarı (kişilər)

1. Vaqif Nəsibov

1000 metr:

12-17 yaş (qızlar)

1. Məryam Cavadova

12-17 yaş (oğlanlar)

1. Fərhad Şirməmmədli

⁠18-23 yaş (qızlar)

1. Alisa Belaya

18-23 yaş (oğlanlar)

1. Səid Həmidov

24-35 yaş (qızlar)

1. Fatimə Alkərəmova

24-35 yaş (oğlanlar)

1. Zaur Arkaniya

36-55 yaş (qadınlar)

1. Natalya Mordasova

36-55 yaş (kişilər)

1. Roman Qalavatskiy

⁠56-70 yaş (qadınlar)

1. Olena Timçenko

56-70 yaş (kişilər)

1. Anatoliy Baykov

Qaliblərə mükafatları gənclər və idman naziri Fərid Qayıbov, Azərbaycan Üzgüçülük Federasiyasının (ASF) prezidenti Zaur Əliyev və digərləri təqdim ediblər.

*** 15:33

Mingəçevirdə, Kür çayının sahilində keçirilən "Kürü keçək?! 5" açıq üzgüçülük yarışında 1000 metr məsafəyə üzmə yarışına start verilib.

Far.Az Oxu.az-a istinadən xəbər verir ki, 1000 metr məsafəyə yarışda 111 idmançı mübarizə aparır.

Qeyd edək ki, artıq beşinci dəfədir keçirilən yarış Gənclər və İdman Nazirliyi, Azərbaycan Üzgüçülük Federasiyası və Bakı Şəhər Halqası Əməliyyat Şirkətinin birgə təşkilatçılığı ilə baş tutur.

Sağlam həyat tərzinin və su idman növlərinin təbliği məqsədilə keçirilən yarış bu il rekord sayda iştirakçını bir araya gətirib. Ümumilikdə 616 nəfərin qatıldığı yarışda ən gənc iştirakçının 12, ən yaşlının isə 79 yaşı var.

Yarış kişilər və qadınlar arasında 6 yaş kateqoriyası üzrə keçirilir: 12-17 yaş, 18-23 yaş, 24-35 yaş, 36-55 yaş, 56-70 yaş və 71 yaşdan yuxarı.

Kişilər və qadınlar arasında 6 yaş kateqoriyası üzrə keçirilən yarışda hər kateqoriyada ilk üç yeri tutan iştirakçılar mükafatlandırılacaqlar.

*** 14:07

Bu gün Mingəçevirdə, Kür çayının sahilində "Kürü keçək?! 5" üzgüçülük yarışı keçirilir.

Far.Az Oxu.az-a istinadən xəbər verir ki, yarış Gənclər və İdman Nazirliyi, Azərbaycan Üzgüçülük Federasiyası və Bakı Şəhər Halqası Əməliyyat Şirkətinin birgə təşkilatçılığı ilə baş tutur.

Bu il ilk dəfə yarış iki məsafə üzrə təşkil olunur. 111 iştirakçı 1 000 metr, 505 iştirakçı isə 350 metr məsafədə mübarizə aparacaq.

İlk olaraq 350 metr məsafəyə üzmə yarışına start verilib.

Sağlam həyat tərzinin və su idman növlərinin təbliği məqsədilə keçirilən yarış bu il rekord sayda iştirakçını bir araya gətirib. Ümumilikdə 616 nəfərin qatıldığı yarışda ən gənc iştirakçının 12, ən yaşlının isə 79 yaşı var.

Kişilər və qadınlar arasında altı yaş kateqoriyası üzrə keçirilən yarışda hər kateqoriyada ilk üç yeri tutan iştirakçılar mükafatlandırılacaqlar.

Oxşar xəbərlər

Mingəçevirdə növbəti "Kürü keçək?! 5" yarışı keçirilib - YENİLƏNİB

"Kürü keçək?! 5" üzgüçülük yarışında 1000 metr məsafəyə üzmə yarışına start verilib

WUF13-ün beşinci günündən maraqlı anlar - FOTOREPORTAJ

SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib

Mingəçevirdə "Kürü keçək?! 5" üzgüçülük yarışı keçirilir