ABŞ Prezidenti Donald Tramp daha əvvəl məhkəmədə onun maraqlarını müdafiə edən hüquqşünas Uill Şarfı prezidentin köməkçisi və Ağ Evin hüquq müşaviri təyin edəcək.

"Far.Az" xəbər verir ki, bu barədə ABŞ lideri Truth Social sosial şəbəkəsində məlumat verib.

Şarf sentyabrın 1-dən vəzifəsinin icrasına başlayacaq. O, özəl sektora keçəcək Devid Uorrinqtonu əvəz edəcək.

Tramp hazırda Ağ Ev əməkdaşlarının aparatında məsul katib vəzifəsini tutan Şarfı yaxşı tanıdığını bildirib. Onun sözlərinə görə, hüquqşünas daha əvvəl Ali Məhkəmə də daxil olmaqla bir çox məhkəmə işində onun maraqlarını təmsil edib.

Ağ Evin hüquq müşaviri prezidentə və administrasiyasına qanun layihələrinin imzalanması, əfv qərarları və mümkün maraqlar toqquşmaları da daxil olmaqla hüquqi məsələlər üzrə məsləhətlər verir.

Oxşar xəbərlər

İlham Əliyev Səməd Vurğun adına Yaradıcılıq Evinin açılışında iştirak edib

İlham Əliyev Şuşanın Qarabağ küçəsində dövlət-özəl tərəfdaşlığı çərçivəsində həyata keçirilmiş işlərlə tanış olub

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Heydər Əliyev Fondu Vatikanda tarixi abidələrin bərpası üzrə yeni layihələrin icrasına başlayır

Həyatda yaxşı şeyləri niyə görmürük? - Tanınmış simaların FİKİRLƏRİ