Azərbaycan Üzgüçülük Federasiyası yerli mütəxəssislərin hazırlanması və üzgüçülük təhsilinin inkişafı məqsədilə beynəlxalq ekspert Boro Ştrumbellə əməkdaşlığa başlayıb.

"Report" xəbər verir ki, bu barədə qurumun mətbuat xidməti məlumat yayıb.

Təşəbbüs Gənclər və İdman Nazirliyinin, Milli Olimpiya Komitəsinin, eləcə də Beynəlxalq Olimpiya Komitəsinin Olimpiya Həmrəyliyi proqramının dəstəyi ilə həyata keçirilib.

2019-2024-cü illərdə Sloveniya Üzgüçülük Assosiasiyasına rəhbərlik etmiş təcrübəli mütəxəssisin kurasiyası ilə məşqçilərin və hakimlərin sertifikasiyası ilə lisenziyalaşdırılması, Azərbaycan İdman Akademiyasına qəbul və tədris prosesi, həmçinin "Üzməyi Öyrənək" layihəsi üzrə işlər aparılacaq.

Qeyd edək ki, Boro Ştrumbel Lyublyana Universitetinin idman fakültəsinin dosentidir. O, idman elmi, idman diaqnostikası, suda təhlükəsizlik və məşqçi hazırlığı sahələrində geniş təcrübəyə malikdir. Avropa Su İdmanı Federasiyasının (European Aquatics) "Üzməyi Öyrənək" Komissiyasının sədri və həmsədri kimi fəaliyyət göstərmiş ekspert hazırda qurumun Sosial Məsuliyyət Komissiyasına rəhbərlik edir.

Oxşar xəbərlər

Prezident Qarabağ Universitetinin Biznes və iqtisadiyyat fakültəsinin binasının açılışında iştirak edib

Heydər Əliyev Fondunun dəstəyi ilə alınan musiqi alətlərinin təqdimatı olub

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib