Suriya ilə Səudiyyə Ərəbistanı investisiyaları stimullaşdırmaq üçün birgə bank yaratmaq və iki ölkə arasında bank köçürmələri üçün birbaşa tənzimlənən kanalları inkişaf etdirmək barədə razılığa gəlib.

"Report" xəbər verir ki, bu barədə SANA agentliyi Suriya Mərkəzi Bankına istinadən məlumat yayıb.

Razılaşma Suriya Mərkəzi Bankının rəhbəri Məhəmməd Safvat Raslan ilə Məhəmməd Əbunəyyanın rəhbərlik etdiyi Səudiyyə-Suriya Biznes Şurasının nümayəndə heyəti arasında keçirilən görüşdə əldə olunub.

Tərəflər bank köçürmələrinin sadələşdirilməsi və investorların Suriyada və onun hüdudlarından kənarda investisiya imkanlarına çıxışı üçün praktiki həll yollarını müzakirə ediblər. Turizm və daşınmaz əmlak sahələrindəki iri layihələrə xüsusi diqqət yetirilib.

Görüş iştirakçıları həmçinin iki ölkənin sahibkar və investorlarının iştirakı ilə bank tərəfdaşlığını inkişaf etdirmək, eləcə də Səudiyyə investisiyalarının Suriyaya cəlb olunmasına yardım etmək barədə razılığa gəliblər.

Tərəflər bank əməkdaşlığını genişləndirmək və Səudiyyə investisiyalarının Suriyaya yönəldilməsinə dəstək olmaq məqsədilə koordinasiyanı davam etdirməyi razılaşdırıblar.

Oxşar xəbərlər

Palçıq Vulkanları Turizm Kompleksi – Azərbaycanın təbiət möcüzələrinə açılan yeni qapı

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Nazirlik sel təhlükəsi zamanı qorunmağın yollarını göstərdi

Qış turizm mövsümü öncəsi daxili turizm imkanları nümayiş etdirilib

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib