Mərhum tarixçi İlber Ortaylının qızı Tuna Ortaylı atasının əşyalarını "WhatsApp" qrupunda satışa çıxarması ilə bağlı ilk dəfə danışıb.

BAKU.WS xəbər verir ki, Tuna satılan əşyalardan əldə olunan gəlirin haraya xərcləndiyini açıqlayıb.

Jurnalist Mirgün Cabasın yutub proqramında qonaq olan Ortaylının qızı, bu addımın xeyriyyə məqsədi daşıdığını bəyan edib.

Satışdan əldə olunan bütün gəlir İlber Ortaylının xatirəsinə salınacaq meşə layihəsi üçün TEMA Vəqfinə (Türkiyədə torpaq eroziyası ilə mübarizə, meşələşdirmə və təbii ehtiyatların qorunması məqsədilə fəaliyyət göstərən ən böyük ekoloji qeyri-hökumət təşkilatı) bağışlanıb.

Tuna atasının çoxlu mənzilə sahib olması barədə yayılan xəbərlərə münasibət bildirib.

O qeyd edib ki, bir neçə evə sahib olmağın əsas səbəbi sırf kitabxana ehtiyacı ilə bağlı olub.

Atasının əsas yaşayış yerinin Baltalimanı olduğunu bildirən Ortaylı, Yeşilköy və digər qəsəbələrdəki mənzillərin 50 minə yaxın kitabı qoruyub saxlamaq üçün istifadə edildiyini vurğulayıb.

Xatırladaq ki, İ.Ortaylı bu ilin martında vəfat edib. O şəkərli diabet və böyrək çatışmazlığı diaqnozu ilə xəstəxanaya yerləşdirilmişdi və reanimasiyada müalicə alırdı.

Oxşar xəbərlər

Leyla Əliyeva Türkmənistanda Qayğıya ehtiyacı olan uşaqlara yardım üzrə xeyriyyə Fondunun Avaza filialının açılışında iştirak edib

Heydər Əliyev Fondu Çində xüsusi qayğıya ehtiyacı olan uşaqlar üçün xeyriyyə tədbiri təşkil edib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

İlber Ortaylının qızı onun əşyalarını "WhatsApp"da su qiymətinə satdı