Basqal qəsəbəsinə gedən yolda növbəti dəfə torpaq sürüşməsi baş verib. Sürüşmə nəticəsində yolun asfalt örtüyünün bir hissəsi çöküb. Sürüşmə sərt döngədə, bir-birinə yaxın məsafədə yerləşən bir neçə nöqtədə qeydə alınıb. Bu isə xüsusilə, ərazini tanımayan sürücülər üçün ciddi təhlükə yaradır.

Far.Az "Xəzər" TV-yə istinadla xəbər verir ki, sürücülərin sözlərinə görə, ərazidə torpaq sürüşməsi artıq bir neçə dəfə baş verib.

Onların iddiasına əsasən, yolun həmin hissəsinə yaxın vaxtlarda asfalt örtüyü çəkilsə də, problem yenidən təkrarlanıb.

İsmayıllı Rayon İcra Hakimiyyətinin Basqal qəsəbə inzibati ərazi dairəsi üzrə nümayəndəsi Novruz Əsədov bildirib ki, yolun bu hissəsində problem uzun müddətdir davam edir.

Onun sözlərinə görə, dəfələrlə müvəqqəti asfalt örtüyü çəkilsə də, çökmə yenidən baş verib. Nümayəndə problemin yalnız yolun həmin hissəsində əsaslı təmir işləri aparıldıqdan sonra aradan qaldırıla biləcəyini bildirib.

Oxşar xəbərlər

Ağsu dolaylarındakı son durum: Sürüşmə riskini azaltmaq üçün tədbirlər görülür

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3