Dünya Bankı sentyabrda Orta Dəhlizə həsr olunmuş ikinci hesabatını dərc etməyi planlaşdırır.

"Far.Az" xəbər verir ki, bunu Dünya Bankının Avropa və Mərkəzi Asiya sahəsində nəqliyyat və logistika üzrə baş mütəxəssisi Luis Blankas Bakıda keçirilən beşinci "Qara dəniz-Xəzər Logistika Forumu 2026"da deyib.

O xatırladıb ki, ilk belə hesabat 2023-cü ildə təqdim olunub.

"Bu, bizim ilk cəhdimiz idi, lakin o, bütün dəhlizi tam əhatə etmirdi - yalnız ərazisindən keçdiyi üç dövlətlə bağlı idi. Həmin hesabat əhatəli olmasa da, həmin dövr üçün böyük əhəmiyyət kəsb edirdi.

Hazırda biz yenilənmiş hesabatın təqdimatına hazırlıq görürük. Onun sentyabrın 27-də dərc olunması planlaşdırılır. Bu hesabatı sərbəst şəkildə yükləmək mümkün olacaq. Bu yeni flaqman hesabatı bizim Orta Dəhlizin iştirakçı ölkələrinə aid etdiyimiz bütün doqquz dövləti əhatə edir", - L.Blankas qeyd edib.

Mütəxəssisin sözlərinə görə, sənəd bütün yük kateqoriyalarını əhatə edir və infrastrukturun inkişafı, xidmətlərin göstərilməsi, transsərhəd əməkdaşlıq, ticarət prosedurlarının sadələşdirilməsi məsələlərini, eləcə də dəhlizin inkişafının iqtisadi nəticələrini özündə ehtiva edir. "Bu, həqiqətən də hərtərəfli sənəddir", - bankın baş mütəxəssisi vurğulayıb.

Oxşar xəbərlər

Vətən müharibəsində Qələbənin beşinci ildönümünə həsr olunmuş Hərbi parad keçirilib

Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub

WUF13-ün beşinci günündən maraqlı anlar - FOTOREPORTAJ

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

WUF13 yüksəksəviyyəli sessiyalar və rekord sayda iştirakçı ilə uğurla başa çatıb