UFC-nin yarımorta çəki dərəcəsində hazırkı çempionu İslam Maxaçev 2026-cı ilin "Qızıl top" mükafatına hansı futbolçunun daha layiq olduğunu açıqlayıb.

BAKU.WS-in məlumatına görə, 34 yaşlı rusiyalı döyüşçü bu il mükafatın əsas namizədlərindən biri olan Gürcüstan millisinin və PSJ-nin futbolçusu Xviça Kvaratsxeliyanı favorit hesab edir.

Maxaçevin sözlərinə görə, dünya çempionatının nəticələri nəzərə alınmasa, "Qızıl top"a gürcü futbolçu layiqdir:

"Dünya çempionatını nəzərə almasaq, mən "Qızıl top"u Kvaratsxeliyaya verərdim".

Qeyd edək ki, Kvaratsxeliya 2026-cı ildə "Qızıl top" uğrunda mübarizə aparacaq 30 futbolçudan ibarət namizədlər siyahısına daxil edilib. "Qızıl top"un builki qalibinin adı 26 oktyabrda Londonda keçiriləcək mərasimdə açıqlanacaq. Bu, nüfuzlu mükafatın təqdimatının 70-ci yubiley mərasimi olacaq. Qalib FIFA reytinqinin ilk 100-lüyündə yer alan ölkələrdən seçilmiş 100 jurnalistin səsverməsi əsasında müəyyənləşəcək.

Xatırladaq ki, ötən il "Qızıl top" mükafatının sahibi PSJ və Fransa millisinin hücumçusu Usman Dembele olub.

İslam Maxaçev isə hazırda UFC-də 17 döyüşlük qələbə seriyasına sahibdir. Onun peşəkar MMA karyerasında 29 qələbəsi və 1 məğlubiyyəti var.

Oxşar xəbərlər

Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib

"UFC Fight Night Baku": İlkin döyüşlər başa çatıb, Fərman Həsənov qələbə qazanıb - YENİLƏNİB-6

Nailə Balayeva: Jurnalistin əsas silahı mənbədir