Fransalı rejissor Florian Zellerin yeni psixoloji trilleri "Bunker" Venesiya Film Festivalında böyük səs-küyə səbəb olub.

BAKU.WS "NTV"yə istinadən xəbər verir ki, Penelope Kruz və Xavyer Bardemin baş rollarını paylaşdığı ekran işi dünya premyerasında tamaşaçılar tərəfindən böyük maraq və coşqu ilə qarşılanıb.

Nümayişdən sonra kinosevərlər filmi 16 dəqiqə 30 saniyə boyunca ayaqüstə alqışlayıblar.

Bu göstərici ilə "Bunker" daha əvvəl 14 dəqiqə alqışlanan "Wild Horse Nine" filmini geridə qoyaraq bu ilki festivalın liderinə çevrilib.

Ekran işində varlı texnologiya milyarderi üçün sığınacaq tikmək təklifi alan londonlu memar Migel və onun 17 illik həyat yoldaşı Sofiyanın qorxu həyatından bəhs edilir.

Rejissor tamaşaçını qəsdən qeyri-müəyyənlik içində saxlayaraq sevgini, sədaqəti və bağışlanmanı sorğulamağı hədəfləyib.

Filmdə ulduz cütlüklə yanaşı Stiven Qrem, Pol Dano və Patrik Şvartsenegger kimi məşhur aktyorlar da yer alıb.

"Deadline" nəşrinin məlumatına görə, Zeller bu layihəni xüsusi olaraq Kruz və Bardem cütlüyü üçün qələmə alıb.

Qalereya

Oxşar xəbərlər

"Tağıyev" kinoteatrlarda ən çox baxılan Azərbaycan filmi olub

Paytaxtda sakinlər üçün təhlükə mənbəyi olan ÜNVANLAR - "Qorxu içində gəzirik"

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Həyatda yaxşı şeyləri niyə görmürük? - Tanınmış simaların FİKİRLƏRİ

Namiq Ağayev: Azərbaycanda kino çəkmək nisyə prosesdir – MÜSAHİBƏ