Əslən Ucar rayonunun Şilyan kəndindən olan 67 yaşlı Füzuli Baxışov və onun bacısı, 51 yaşlı Zərnişan Baxışova Rusiyada faciəvi şəkildə ölüblər.

Far.Az "Xəzər" TV-yə istinadla xəbər verir ki, sözügedən bədbəxt hadisə ilə bağlı bəzi detallar məlum olub.

Mərhumların qohumlarının sözlərinə görə, hadisə Vladimir şəhərində yolda yaranan tıxac zamanı baş verib. Bacı-qardaşın olduğu avtomobil iki yük maşınının arasında qalıb:

"Onlar günahsız yerə getdilər. Maşınla gözlədikləri yerdə tıxac olub, həmin ərazidə də təmir işləri gedirmiş. Qarşıda təmir işlərinin getdiyini göstərən işarə var imiş. "KamAz" sürücüsü bu işarələrə baxmayıb, gəlib bunları vurub, yapışdırıb qabaqdakı "KamAz"a".

Qeyd edək ki, mərhumların nəşləri ötən gün Azərbaycana gətirilib. Füzuli Baxışov və Zərnişan Baxışova Ucarın Şilyan kəndində torpağa tapşırılıblar.

Oxşar xəbərlər

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

Prezident İlham Əliyev Şuşanın Böyük Qaladərəsi kəndində görülən işlərlə tanış olub, sakinlərlə görüşüb

Azov dənizində gəmiyə PUA hücumu zamanı yaralanan Azərbaycan vətəndaşları vəziyyətlərindən danışdılar

Fərqli inanclar, eyni həyat: cəmi bir azərbaycanlı ailənin yaşadığı Gürcüstanın çoxmillətli kəndindən REPORTAJ

Cəbrayılın Horovlu kəndində Novruz festivalı keçirilib