ABŞ-nin müharibədən yorulduğunu və Rusiyanın xeyrinə güzəştlərə nail olmaq məqsədilə Kiyevə təzyiq göstərdiyini düşünən ukraynalıların payı may ayındakı 56 %-dən oktyabrda 61 %-ə yüksəlib.

"Far.Az" Kiyev Beynəlxalq Sosiologiya İnstitutunun keçirdiyi sorğunun nəticələrinə istinadən xəbər verir ki, tədqiqat 16-29 oktyabr tarixlərində aparılıb.

Məlumata görə, sorğuda iştirak edənlərin 30 %-i ABŞ-ni Ukraynanın etibarlı müttəfiqi hesab edir. Bu göstərici əvvəlki sorğunun göstəricisi ilə müqayisədə dəyişməyib.

Respondentlərin 69 %-i Avropanın Ukraynaya dəstəyi davam etdirdiyini və müharibənin ədalətli şərtlərlə başa çatmasına çalışdığını düşünür. May ayında sorğu iştirakçılarının 64 %-i bu fikirdə olub.

Sorğuda iştirak edənlərin 56 %-i Rusiyanın təkrar hücumu halında Avropanın öz öhdəliklərini yerinə yetirəcəyini və Ukraynaya kömək edəcəyini, 38 %-i isə bunun baş verməyəcəyini hesab edir. Aprel ayı ilə müqayisədə ciddi dəyişikliklər qeydə alınmayıb, lakin Avropanın dəstəyinə güvənənlərin payı bir qədər artıb.

Respondentlərin 54 %-i Rusiyanın təkrar hücum edəcəyi təqdirdə Vaşinqtonun Ukraynaya kömək etməyəcəyi, 32 %-i isə dəstəyin göstəriləcəyi qənaətindədir.

Sorğu Ukrayna hökumətinin nəzarətində olan bütün regionlarda mobil nömrələrin təsadüfi seçimi əsasında telefon müsahibəsi (CATI) metodu ilə aparılıb. Sorğuda 1 017 yetkinlik yaşına çatmış respondent iştirak edib.

Oxşar xəbərlər

Prezident İlham Əliyevin adından AQEM-in 7-ci Zirvə Görüşünün iştirakçılarının şərəfinə şam yeməyi verilib

Kiyevə raket hücumu zamanı Azərbaycanın Ukraynadakı səfirliyinə ciddi ziyan dəyib

Heydər Əliyev Fondunun dəstəyi ilə alınan musiqi alətlərinin təqdimatı olub

UEFA Konfrans Liqası: "Qarabağ" Kiyev "Dinamo"sunu məğlub edərək pley-offa yüksəlib - YENİLƏNİB-5

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib