"Falcon 9" raketi bazar günü Avropanın SES S.A. telekommunikasiya operatorunun üç "O3b mPOWER" rabitə peykini orbitə çıxarıb.

"Report" xəbər verir ki, bu barədə daşıyıcını hazırlayan "SpaceX" şirkəti məlumat yayıb.

"Üç O3b mPOWER peykinin orbitə çıxarılması təsdiqlənib", - məlumatda deyilir.

"Boeing Co." korporasiyası tərəfindən yaradılmış "O3b mPOWER" peykləri qlobal miqyasda yüksəksürətli internetə çıxışı təmin etmək və mobil rabitə xidmətləri göstərmək üçün nəzərdə tutulub.

Lüksemburqda qeydiyyatdan keçmiş SES kommersiya sektoruna, hökumət strukturlarına xidmətlər göstərir, həmçinin silahlı qüvvələr üçün yüksək səviyyədə qorunan rabitə kanalları təqdim edir. Bu, dünyada ikinci ən böyük peyk operatorudur.

Buraxılış ABŞ-nin Şərq sahili vaxtı ilə saat 14:49-da Florida ştatındakı Kanaveral burnunda yerləşən ABŞ Kosmik Qüvvələri bazasının 40-cı start kompleksindən həyata keçirilib. Peyklər buraxılışdan təxminən 50 dəqiqə sonra müəyyən edilmiş orbitə çıxıb.

2022-ci ilin dekabrında "SpaceX" raketi "O3b mPOWER" peyklərinin ilk cütlüyünü orbitə çıxarıb. Hazırkı buraxılış da nəzərə alınmaqla, orbitdə artıq bu tip 13 aparat var.

Yeni nəsil bu peyklər artıq mövcud olan "20 O3b" peykindən ibarət qruplaşmanı tamamlayacaq. Ötürücülük qabiliyyəti baxımından yeni aparatlar dünyanın əksər ölkələrində mobil rabitə və simsiz məlumat ötürülməsi siqnalları ilə daha tam əhatə dairəsini təmin etməyə imkan verəcək.

Oxşar xəbərlər

Bankda olan mənzillər təcili satışa çıxarıldı - QİYMƏTLƏR

Ucuz qiymətə qızıl almaq istəyənləri SEVİNDİRƏCƏK XƏBƏR

Prezident İlham Əliyev Xocalıda hərbi qulluqçular üçün nəzərdə tutulan fərdi evlərdə yaradılmış şəraitlə tanış olub

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib