Rusiyanın Xalq artisti Filipp Kirkorov mənzilində quraşdırılan daş dekorasiyanın keyfiyyətsiz olması ilə bağlı məhkəmə prosesində qalib gəlib.

BAKU.WS xəbər verir ki, Sankt-Peterburq məhkəməsi sənətçinin fərdi sahibkar Georgi Baranovskiyə qarşı qaldırdığı iddianı təmin edib.

Kirkorovun iddiasına əsasən, mənzilində quraşdırılan daş məmulatlarında aradan qaldırılması mümkün olmayan qüsurlar aşkarlanıb. Məmulatlarda çatlar, qopmalar və digər zədələrin olduğu, quraşdırma işlərinin isə müəyyən edilmiş norma və qaydalara ciddi şəkildə zidd aparıldığı bildirilib.

Məhkəmənin təyin etdiyi ekspertiza nəticəsində iddia təmin olunub. Qərara əsasən, cavabdehdən qüsurların aradan qaldırılması üçün 16 milyon rubl, müqavilə üzrə dəbbə pulu kimi 1,5 milyon rubl və cərimə olaraq təxminən 9 milyon rubl tutulacaq.

Bundan əlavə, 163 min 720 rubl dövlət rüsumunun da ödənilməsi qərara alınıb.

Beləliklə, Kirkorovun lehinə tutulacaq ümumi məbləğ 26 milyon rubldan çox təşkil edib ki, bu da təxminən 520 min manata bərabərdir.

Oxşar xəbərlər

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

Xalq artisti Əminə Yusifqızı dəfn olunub

Prezident İlham Əliyev "AZWOOL" mineral daş yunu zavodunun açılışında iştirak edib

Beynəlxalq əmtəə, fond və valyuta bazarlarının göstəriciləri (14.03.2026)

Xalq artisti Hacı Murad Yegizarov II Fəxri xiyabanda dəfn olunub