Belaruslu tennisçi Aryna Sabalenka ABŞ Açıq çempionatının finalında yaşadığı məğlubiyyətdən sonra ilk dəfə ictimaiyyət qarşısına çıxıb.

Far.Az xəbər verir ki, dünya reytinqində ikinci pillədə qərarlaşan 28 yaşlı tennisçi İtaliya çempionatının 5-ci turunda "Milan" və "Leççe" komandaları arasında keçirilən oyunu stadiondan izləyib.

"San-Siro"da baş tutan qarşılaşmada meydan sahibləri rəqibini 3:0 hesabı ilə məğlub edib.

"Milan" klubunun mətbuat xidməti Sabalenkanın tribunadakı görüntülərini sosial şəbəkə hesabında paylaşıb. Tennisçi klubun sahibi Cerri Kardinaledən üzərində 1 nömrəli forma hədiyyə alıb.

Klub da sosial şəbəkədə Sabalenkaya müraciət edərək, "San-Siroda səni görməkdən məmnunuq, Aryna!" mesajını yayıb.

Sabalenka görüşü yüksək əhval-ruhiyyədə izləyib. Onun "Milan"ın oyununa gəlişi ABŞ Açıq çempionatının finalında Yelena Rıbakina ilə qarşılaşmadan sonra ilk ictimai görünüşü olub. Sabalenka həmin finalda məğlub olaraq turnirin qalibi titulunu Rıbakina verib və WTA reytinqində liderliyi də itirib.

Tennisçinin stadiondakı görünüşü də diqqətdən kənarda qalmayıb. Milanın moda paytaxtı kimi tanınmasına uyğun olaraq Sabalenka oyuna ağ rəngli zolaqlı köynək, tünd boz rəngli geniş şalvar, qızılı saat və açıq rəngli kiçik çanta ilə gəlib.

Sabalenkanın sevgilisi Georgios Franqulis də "Milan"ın tennisçinin səfəri ilə bağlı paylaşımına ürək emojiləri ilə reaksiya verib. Klubun azarkeşləri isə Sabalenkanın görünüşünü və səfərini yüksək qiymətləndirən çoxsaylı şərhlər yazıblar.

Qeyd edək ki, "Milan"a azarkeşlik edən məşhur tennisçilər arasında ATP reytinqinin lideri Yannick Sinner və 24 dəfə "Böyük dəbilqə" turnirlərinin qalibi Novak Cokoviç də var.

Oxşar xəbərlər

Leyla Əliyevanın təşəbbüsü ilə uşaq evlərinin komandaları arasında növbəti minifutbol turniri təşkil olunub

İlham Əliyev Şeyx Məhəmməd bin Zayed Al Nəhyana Qarabağ atı hədiyyə edib

Miri Yusif bu şəkilləri ilə diqqət çəkdi

Güclü qar Qəbələnin dağlıq kəndlərinə gediş-gəlişi çətinləşdirib

Nəsrin Cavadzadənin bu qapalı geyimi müzakirələrə səbəb oldu