ABŞ-nin müharibə naziri Pit Heqset ABŞ Silahlı Qüvvələrində general və admiral vəzifələrinin sayını 20 % azaltmağı planlaşdırır.

"Report" xəbər verir ki, bu barədə "Fox News" xidməti sənədlərə istinadən məlumat yayıb.

Telekanalın məlumatına görə, Heqset sentyabrın əvvəlində Quru Qoşunlarında, Hərbi Dəniz Qüvvələrində, Hərbi Hava Qüvvələrində və hərbçilərin birləşmiş kadr ehtiyatında ixtisar planlarını təsdiqləyib. ABŞ Silahlı Qüvvələrinə dəyişiklikləri həyata keçirmək və ixtisarları 2027-ci il yanvarın 1-nə dək başa çatdırmaq tapşırılıb.

Pentaqon rəhbərinin çərşənbə günü Kuantikoda (Virciniya ştatı) silahlı qüvvələrin vəziyyətinə və gələn il üçün prioritetlərə həsr olunmuş çıxışı zamanı planlar barədə rəsmən elan edəcəyi gözlənilir.

Heqsetin əvvəlki sərəncamı vəzifələrin 10 %, həmçinin fəaliyyətdə olan dörd ulduzlu generalların və admiralların sayının 20 %, eləcə də Milli Qvardiya generallarının sayının 20 % ixtisarını nəzərdə tuturdu.

Oxşar xəbərlər

Vətən müharibəsində Qələbənin beşinci ildönümünə həsr olunmuş Hərbi parad keçirilib

Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub

Xankəndi şəhərində hərbçilərin yürüşü başa çatıb

Quru Qoşunlarında əməliyyat təlimi keçirilir

Leyla Əliyeva və Alyona Əliyeva Müstəqillik Gününə həsr olunmuş konserti izləyiblər