İdman zamanı çömbəlmə və irəli addımlama hərəkətlərindən sonra dizlərdə ağrı və xırtıltı hissi bir sıra səbəblərlə əlaqəli ola bilər. Mütəxəssislər bu problemlərin yaranmasında isinmə hərəkətlərinin kifayət qədər edilməməsini, fiziki yükün qəfil artırılmasını və məşq texnikasındakı səhvləri əsas amillər sırasında göstərirlər.

Far.Az xəbər verir ki, fitnes məşqçisi Valeriya Panfilova bu barədə "PrimaMedia" agentliyinə danışıb.

Onun sözlərinə görə, məşqdən əvvəl əzələ və oynaqların lazımi qaydada hazırlanması vacibdir. İsinmə hərəkətlərinin yetərsiz olması güc məşqləri zamanı xırda zədələnmələrin və ağrıların yaranma riskini artıra bilər.

Mütəxəssis diz ağrılarının digər səbəbi kimi ağırlığın və ya təkrarların sayının qısa müddətdə həddindən artıq artırılmasını göstərib. Bu zaman əzələlər və vətərlər artan fiziki yükə uyğunlaşmağa vaxt tapmır. Nəticədə iltihab və diz qapağı ətrafında uzunmüddətli ağrılar yarana bilər.

Panfilova məşqlərin düzgün texnika ilə yerinə yetirilməsinin də əhəmiyyətini vurğulayıb. Hərəkət zamanı dizlərin içəriyə doğru əyilməsi, dabanların yerdən qalxması və bədənin həddindən artıq önə əyilməsi oynaqlara düşən yükün qeyri-bərabər paylanmasına səbəb ola bilər.

Məşqçi qeyd edib ki, düzgün texnikaya əməl edilməsinə, isinmə hərəkətlərinə və fiziki yükün tədricən artırılmasına baxmayaraq ağrılar davam edərsə, həkimə müraciət etmək lazımdır. Əlamətləri nəzərə almamaq meniskin zədələnməsi və artroz kimi problemlərin yaranması ilə nəticələnə bilər.

Oxşar xəbərlər

Həyatda yaxşı şeyləri niyə görmürük? - Tanınmış simaların FİKİRLƏRİ

Ağsu dolaylarındakı son durum: Sürüşmə riskini azaltmaq üçün tədbirlər görülür

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2