Xətai ratonunda partlayan su borusunun təmir edilməməsinin səbəbi bilinib. 

İri Şəhərlərin Birləşmiş Su Təchizatı Xidmətinin Mətbuat xidmətindən Far.Az-ə verilən məlumata görə, buna səbəb borunun ağacın dibində yerləşməsidir: 

"Xətai rayonu Kazımağa Kərimov küçəsində ağacın dibindən keçən su xəttində sızıntı baş verib. Borunu bərpa etmək üçün ərazi qazılmalıdır, lakin qazıntı zamanı ağacın aşma ehtimalı olduğundan müvafiq qaydalara uyğun olaraq əvvəlcə Bakı Şəhər İcra Hakimiyyəti və Xətai Rayon İcra Hakimiyyətinə icazə üçün müraciət ünvanlanıb. Qeyd olunan qurumlardan icazə daxil olan kimi İri Şəhərlərin Birləşmiş Su Təchizatı Xidmətinin Xətai Rayon Sukanal İdarəsinin qəza briqadası axıntının qarşısını alaraq bərpa işlərini həyata keçirəcəklər".

***14:56

Paytaxtın 8 Noyabr prospektində içməli su küçəyə axır.

Bu barədə məlumat Far.Az-in "qaynar xətti"nə daxil olub.

Şikayətçi bildirib ki, hadisə Kazımağa Kərimov küçəsində qeydə alınıb:

"Bir həftədir küçədə boru partlayıb və su yola axır. Heç kəs də gəlib vəziyyəti aradan qaldırmır. Neçə gündür insanlar içməli su tapmırlar, belə bir vaxtda suyun küçəyə axaraq ziyan olması adama pis təsir edir".

Həmin görüntüləri təqdim edirik:

Banu Hüseynli
Far.Az

Oxşar xəbərlər

Susuz qalan Bakıda içməli su küçəyə axıdılır? - VİDEO

Bu gün Bakının 10 rayonu və Abşerona içməli suyun verilib-verilməyəcəyi bilinmir - AÇIQLAMA

Azərbaycanda bir qrup tələbə narazıdır - "Yeni qərar bizə şamil edilməsin" - AÇIQLAMA

8 Noyabr prospektindəki ticarət obyektinin qarşısında parkinqə çevrilən səki yeri - VİDEO

Salyan şosesində asfaltlanma işləri aparılır