"Apple" şirkətinin oktyabrın 27-də yeni məhsullarını təqdim edəcəyi gözlənilir. Tədbirdə sensorlu OLED ekranla təchiz olunmuş yeni nəsil "MacBook Pro" noutbukunun nümayiş etdiriləcəyi bildirilir.

BAKU.WS xəbər verir ki, texnologiya sahəsində tanınmış insayder Mark Qurman bu barədə "X" sosial şəbəkəsində paylaşım edib.

Onun məlumatına görə, şirkət təqdimat mərasimi üçün seçilmiş media nümayəndələrinə və tanınmış bloqerlərə məxfi dəvətlər göndərib. Tədbirin oktyabrın 27-də Los-Ancelesdə keçirilməsi planlaşdırılır.

Mənbənin bildirdiyinə görə, təqdimat zamanı "Apple"ın M6 prosessor ailəsi əsasında hazırlanan yeni kompüterləri nümayiş etdiriləcək. Yeniliklər arasında sensorlu OLED ekranı ilə seçiləcək yeni "MacBook Pro" modeli də yer alacaq. Bundan başqa, şirkətin digər "Mac" kompüterlərini və "iPad mini" planşetini təqdim edəcəyi gözlənilir.

Mark Qurman qeyd edib ki, oktyabrın 27-də tədbir onlayn formatda keçiriləcək. Ertəsi gün isə jurnalistlər və bloqerlər yeni cihazlarla yaxından tanış olmaq imkanı əldə edəcəklər.

Qeyd edək ki, "Apple" bu payız artıq iki təqdimat keçirib. Şirkət sentyabrın 9-da "iPhone 18 Pro", "iPhone 18 Pro Max" və qatlanan "iPhone Duo" modellərini elan edib. Oktyabrın 13-də isə ağıllı ev sistemləri üçün yeni məhsullarını təqdim edib. Həmin cihazlar arasında məişət texnikasını idarə etməyə, musiqi dinləməyə və videozənglər etməyə imkan verən "HomeView" ağıllı ekranı da olub.

Oxşar xəbərlər

Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub

Bakıda WUF13-ün açılış mərasimi keçirilir, Prezident İlham Əliyev tədbirdə çıxış edib

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib

HUAWEI MatePad Pro 12.2 2025 - Yeni Nəsil Premium Planşet

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib