Cənubi Koreya və ABŞ-nin Hərbi Hava Qüvvələri Koreya yarımadasının cənubunda "Freedom Flag" birgə təlimlərinə başlayıb.

"Far.Az" "Yonhap" agentliyinə istinadən xəbər verir ki, təlimlər oktyabrın 26-dan noyabrın 6-dək "Kunsan" aviabazasında keçirilir.

Cənubi Koreya tərəfi "F-15K", "KF-16" və "F-35A" qırıcılarını, "KC-330" yanacaqdoldurma təyyarəsini, həmçinin "E-737" uzaqmənzilli radiolokasiya aşkaretmə və idarəetmə təyyarəsini cəlb edib.

ABŞ tərəfindən manevrlərdə Hərbi Hava Qüvvələri, Hərbi Dəniz Qüvvələri və Dəniz Piyadaları Korpusunun bölmələri iştirak edir. Amerika hərbçiləri "F-16" və "F-35B" qırıcılarını, "RC-135" kəşfiyyat təyyarəsini, "MH-60S Seahawk" helikopterlərini və "MQ-9 Reaper" pilotsuz uçuş aparatlarını cəlb ediblər.

"Freedom Flag" təlimləri ildə iki dəfə keçirilir və iki ölkənin silahlı qüvvələrinin döyüş hazırlığının və fəaliyyətlərinin uzlaşmasının yüksəldilməsinə yönəlib.

Manevrlər zamanı hərbi qulluqçular müdafiə əməliyyatlarını, o cümlədən şərti düşmən aviasiyasının ələ keçirilməsini məşq edəcəklər. Proqram həmçinin Cənubi Koreya və ABŞ pilotları arasında təcrübə mübadiləsini nəzərdə tutur.

Oxşar xəbərlər

FHN WUF13-ə hazırlıq çərçivəsində otellərdə təlimlər keçirib

Nazirlik bu yanacaqdoldurma məntəqəsinin fəaliyyətini dayandırdı

Hava Hücumundan Müdafiə bölmələri üçün 20-yə yaxın yeni hərbi obyekt istifadəyə verilib

Qazaxın İkinci Şıxlı kəndində yanacaqdoldurma məntəqəsi və TIR parkı tikilir? - NARAZILIQ

Leyla Əliyeva və Alyona Əliyeva mükafatlandırma mərasimində iştirak ediblər