Qazax rayonunun İkinci Şıxlı kəndində yaşayış məntəqəsinin yaxınlığında yanacaqdoldurma məntəqəsi və TIR parkının tikintisinin aparılması iddiası kənd sakinlərinin narazılığına səbəb olub.

Bu barədə məlumat Far.Az-in "qaynar xətti"nə daxil olub.

Sakinlərin iddiasına görə, tikinti işləri yaşayış üçün nəzərdə tutulmuş torpaq sahəsində həyata keçirilir. Onlar iddia edirlər ki, həmin ərazi üzrə təyinat yaşayış məqsədlidir və burada sənaye və ya ağır nəqliyyat infrastrukturu obyektlərinin inşası qanunvericiliyin tələblərinə uyğun deyil.

Kənd sakinləri məsələ ilə bağlı Qazax Rayon İcra Hakimiyyətinə, Fövqəladə Hallar Nazirliyinə və Dövlət Şəhərsalma və Arxitektura Komitəsinə müraciət etdiklərini bildirirlər.

Onların iddiasına görə, Qazax Rayon İcra Hakimiyyətindən verilən cavabda sözügedən ərazi üçün ofis binasının tikintisinə icazə verildiyi qeyd olunub. Lakin sakinlər hesab edirlər ki, hazırda aparılan tikinti işləri həmin təyinata uyğun gəlmir və faktiki olaraq yanacaqdoldurma məntəqəsi ilə TIR parkının inşası həyata keçirilir.

Ərazidən kadrları və sənədləri təqdim edirik:

Qalereya

Oxşar xəbərlər

Leyla Əliyeva və Arzu Əliyeva Qaxda Axar-Baxar Milli Parkının açılış mərasimində iştirak ediblər

Prezident İlham Əliyev Xankəndi şəhərində Zəfər parkının açılışında iştirak edib

Nazirlik bu yanacaqdoldurma məntəqəsinin fəaliyyətini dayandırdı

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

İlham Əliyev Xocavənd şəhər və Xocavənd kənd sakinləri ilə görüşüb