Almaniyanın "Bavariya" klubunun baş məşqçisi Vensan Kompani noyabrda milli komandaların oyunları ilə əlaqədar yaranacaq fasiləyədək komandanın oyunlarına rəhbərlik edə bilməyəcək.

Far.Az-in məlumatına görə, bu barədə "Bild" nəşri məlumat yayıb.

Mənbənin bildirdiyinə görə, 40 yaşlı belçikalı mütəxəssis hələlik istirahətini davam etdirəcək və dərman qəbul edəcək.

Kompani oktyabrın 31-də Dortmund "Borussiya"sı, noyabrın 3-də Madrid "Atletiko"su və noyabrın 7-də "Maynts"la keçiriləcək qarşılaşmalarda komandanın başında olmayacaq.

Xatırladaq ki, bir müddət əvvəl Kompani "Bavariya"nın ikinci komandasının məşqi zamanı huşunu itirib. Bundan sonra Münhen klubunun idman məsələləri üzrə idarə heyətinin üzvü Maks Eberl hadisənin beyin qişalarının qıcıqlanması ilə əlaqəli olduğunu açıqlayıb.

Noyabrın 9-dan 17-dək davam edəcək milli komandaların oyunları ilə bağlı fasiləyədək mütəxəssisin məşqçi fəaliyyətinə qayıtması gözlənilmir.

Oxşar xəbərlər

Polis Günündə də post başında – Bakının küçələrindən diqqətçəkən FOTOLAR

İlham Əliyev Pirallahı Sənaye Parkında dərman istehsalı müəssisəsinin açılışında iştirak edib

UEFA Çempionlar Liqası: "Sabah" evdə Dortmund "Borussiya"sı ilə bacarmayıb - Yenilənib-6

Bakı Olimpiya Stadionunda "Sabah"ın "Borussiya" ilə oyunöncəsi açıq məşqi baş tutub

"FIFA Series – 2026": Azərbaycan millisinin Sent Lüsiya yığması ilə oyundan əvvəl açıq məşqi təşkil olunub