Azərbaycan Futbol Federasiyaları Assosiasiyasında (AFFA) rəhbər vəzifəyə yeni təyinat həyata keçirilib. Əli Verdiyev qurumun kommunikasiya sahəsinə rəhbərlik edəcək.

Far.Az-in məlumatına görə, Əli Verdiyev Kommunikasiya və İctimaiyyətlə Əlaqələr Departamentinin direktoru təyin edilib.

Qeyd edək ki, yeni direktorun indiyədək həm yerli, həm də beynəlxalq şirkət və təşkilatlarda geniş iş təcrübəsi olub. O, "Philip Morris International", "NEQSOL Holding" və "Japan Tobacco International" şirkətlərində reputasiyanın idarə edilməsi və böhran kommunikasiyası istiqamətində çalışıb. Həmçinin "Uber Azerbaijan"da dövlət əlaqələri direktoru vəzifəsini tutub.

Əli Verdiyev Dünya Bankının Məşğulluğa Dəstək Layihəsində sosial mütəxəssis, Hesablama Palatasının Beynəlxalq Əlaqələr Departamentində direktor müavini olub. Bundan başqa, UNICEF-in müxtəlif strukturlarında tənzimləyici siyasət və beynəlxalq münasibətlər sahəsində fəaliyyət göstərib.

O, 2000-ci ildə Azərbaycan Dillər Universitetində ingilis dili və tərcüməşünaslıq üzrə bakalavr, 2012-ci ildə isə Xəzər Universitetində beynəlxalq biznes üzrə magistr təhsili alıb.

Xatırladaq ki, AFFA-nın mətbuat xidmətinin rəhbəri olmuş Murad Axundov oktyabrın 1-də vəzifəsindən ayrılıb.

Oxşar xəbərlər

Dövlət Xidmətində yüksək vəzifəyə yeni TƏYİNAT

Prezident Ərəb Koordinasiya Qrupuna üzv qurumların rəhbər şəxslərini qəbul edib

Lökbatandakı yanğına helikopterlər indiyədək 200 ton su töküb - YENİLƏNİB-4

Lökbatandakı yanğına helikopterlər indiyədək 150 ton su töküb - YENİLƏNİB-4

Forbes Philip Morris International-ı Net Zero liderləri siyahısına daxil edib