İngiltərənin “Mançester Siti” futbol komandasının baş məşqçisi Xosep Qvardiola klubun İngiltərə Premyer Liqasından kənarlaşdırılması halında heç yerə getməyəcəyini təsdiqləyib.

“Far.Az” xəbər verir ki, bu barədə BBC məlumat yayıb.

Artıq yazda “şəhərlilər”in Premyer Liqanın maliyyə feyr-pley qaydalarının 115 pozuntusu ilə bağlı səs-küylü işinin qərarı bəlli olacaq.

“Siti”nin təqsiri sübut edilərsə, “şəhərlilər” ən sərt sanksiyalarla, hətta aşağı liqaya düşməklə üzləşə bilərlər. Lakin bu narahatlıqlar Qvardiolanın müqaviləsini 2027-ci ilə qədər uzatmasına mane olmayıb.

“Altı ay əvvəl qalacağımı demişəm. Mənim müsahibələrim var”, – o qeyd edib.

Çalışdırıcının sözlərinə görə, komandası aşağı liqaya düşsə də, “burada qalacaq”.

“Bizi hara göndərə biləcəklərini bilmirəm, Konfransa? Amma növbəti mövsüm biz yüksələcəyik, sonra yenə və Premyer Liqaya qayıdacağıq”, – o vurğulayıb.

Xatırladaq ki, “Mançester Siti” İngiltərə Premyer Liqasının turnir cədvəlində ikinci pillədə qərarlaşıb. Qvardiolanın yetirmələrinin 23 xalı var. Birinci pillədə isə “şəhərlilər”i beş xal qabaqlayan Arne Slotun “Liverpul”u qərarlaşıb.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2

VII çağırış Milli Məclisin ilk iclası keçirilib, Prezident İlham Əliyev toplantıda iştirak edib və nitq söyləyib - YENİLƏNİB-3

Bakıda COP29-un Liderlər Sammitinin açılış mərasimi keçirilib - YENİLƏNİB-2

KİV: Qvardiola “Mançester Siti” ilə müqaviləsini 1 il müddətinə uzadıb