UFC-nin rəhbəri Dana Uayt ABŞ Prezidenti Donald Trampın Ağ Evin mətbuat katibi vəzifəsini tutmaq təklifini qəbul etməyib.

"Report" CNN telekanalına istinadən xəbər verir ki, bu barədə məlumatlı mənbələr bildiriblər.

Telekanala danışan ABŞ prezidentinin köməkçilərindən biri Trampın özünün "Truth Social" sosial şəbəkəsində yayımladığı təklifin zarafat məqsədi daşıya biləcəyini ehtimal edib.

ABŞ lideri təklif edib ki, Dana Uayt razılıq verəcəyi təqdirdə, Dağıstandan olan döyüşçülər İslam Mahaçev və Həbib Nurməhəmmədov onun köməkçiləri təyin olunsunlar.

Bununla yanaşı, TMZ portalı mənbələrə istinadən yazıb ki, hazırda Londonda olan Uayt noyabrın 9-da Trampla Ağ Evin Oval kabinetində görüşməyi və bu məsələni müzakirə etməyi planlaşdırır.

Qeyd edək ki, ABŞ-da Ağ Evin mətbuat katibi vəzifəsi Keti Zaxariyanın 2026-cı il oktyabrın ortalarında istefasından sonra boş qalıb. O, bu vəzifədə cəmi bir neçə gün çalışıb.

Oxşar xəbərlər

Bakıdakı UFC turnirindən əvvəl döyüşçülər üz-üzə gəliblər

Heydər Əliyev Fondunun vitse-prezidenti Leyla Əliyeva Londonda yüksəksəviyyəli iqlim dialoqunda iştirak edib

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

"UFC Fight Night Baku": İlkin döyüşlər başa çatıb, Fərman Həsənov qələbə qazanıb - YENİLƏNİB-6

ABŞ Prezidenti Donald Trampın təşəbbüsü ilə yaradılan Sülh Şurası təsis edilib