Aİ Ukraynaya PUA və döyüş sursatları üçün 15 milyard avroya yaxın vəsait ayıracaq
Avropa İttifaqı (Aİ) gələn il Ukraynaya pilotsuz uçuş aparatları (PUA) və döyüş sursatları üçün 14,4 milyard avro ayıracaq.
"Report" xəbər verir ki, bu barədə "İnterfaks-Ukrayna" müdafiə məsələləri üzrə Avropa komissarı Andryus Kubilyusa istinadən məlumat yayıb.
Avropa komissarının sözlərinə görə, 2027-ci il üçün kredit çərçivəsində ilk satınalma planları üzərində işlərə artıq başlanılıb. Bu vəsaitin 14,4 milyard avrosu PUA və döyüş sursatlarına ayrılacaq.
"Maliyyələşdirməyə artıq 2027-ci ilin yanvarından başlamaq və hər hansı gecikmənin qarşısını almaq üçün nəzərə almaq lazımdır ki, Ukraynanın silaha olan ehtiyacları strukturunda pilotsuz uçuş aparatlarının payı daim artır. Əgər 2026-cı ilin əvvəlində bu rəqəm 31 % təşкil edirdisə, proqnozlara görə, 2027-ci ildə 62 %-ə çatacaq. Ukrayna tərəfinin hesablamalarına görə, cari ildə Rusiya tərəfi təxminən 10 milyon pilotsuz uçuş aparatından istifadə edəcək, gələn il isə onların sayı artaraq 20 milyona çata bilər", - o, bildirib.
Kubilyus həmçinin Ukraynaya lazım olan silahların, o cümlədən Aİ ərazisində istehsalının artırılmasının zəruriliyini qeyd edib ki, tədarüklər 2028 və ya 2029-cu illərdə deyil, məhz 2027-ci ildə baş tutsun.
"Bu gün Avropa Komissiyası əlavə 45 milyard avro həcmində yeni mexanizm hesabına Ukraynaya dəstək paketinin gücləndirilməsi ilə bağlı təkliflər təqdim edib. Bu məbləğin 25 milyard avrosu 2027-ci ildə müdafiəyə yönəldiləcək. Bu, həm maddi, həm də siyasi baxımdan son dərəcə mühüm qərardır. O, Putinə Aİ-nin Ukraynaya dəstəyini davam etdirdiyinə dair güclü mesaj verir", – Avropa komissarı vurğulayıb.
Oxşar xəbərlər
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN
Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3
Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib
Ən son xəbərləri bizim
"Facebook" səhifəmizdə izləyin
Digər xəbərlər
-
"Sədərək" bazarında səssizlik: Alıcıları hara üz tutublar?
-
ABŞ-də Gmail və Outlook poçt xidmətlərinin fəaliyyətində fasilələr yaranıb
-
Çexiya və ABŞ arasında qaz tədarükü ilə bağlı razılaşmanın yekun variantı razılaşdırılıb
-
UEFA Millətlər Liqasında qrup mərhələsinin son oyunları keçirilib
-
PSV Kevin De Brüyne üçün transfer təklifi göndərib
-
ABŞ Azərbaycana minatəmizləmə işlərində yardım göstərə bilər













