Hövsanda yollar bərbad vəziyyətdədir – Sakinlər şikayət edir, bələdiyyə sənədsiz evləri əsas gətirir
Far.Az xəbər saytı

Hövsanda yollar bərbad vəziyyətdədir – Sakinlər şikayət edir, bələdiyyə sənədsiz evləri əsas gətirir


Suraxanı rayonu, Hövsan qəsəbəsi, "Şəhərcik" adlanan ərazidə onlarla fərdi yaşayış evi var. Yeni yaşayış massivi olan ərazidə xeyli sayda vətəndaş yaşayır. Lakin burada yollar bərbad vəziyyətdədir.

Sakinlər gediş-gəliş zamanı ciddi çətinliklərlə üzləşirlər.

"Məsul şəxslər hara baxırlər, mən bilmirəm. Bərbad gündədir. Öz vəsaitimiz hesabına yolun düzəldilməsinə çalışırıq. Hər dəfə daş tökürük, düzəldirik, amma yenidən yağış yağanda əvvəlki vəziyyətinə qayıdır", - sakinlərdən biri Baku TV-yə deyib.

"Avtomobillərimiz sıradan çıxır. Artıq maşında salamat detal qalmayıb. Bütün sistemlər dağılıb. Bura girib-çıxmaq mümkün deyil", - başqa bir sakin söyləyib.

Hövsan bələdiyyəsinin sədr müavini Faiq Məmmədov isə bildirib ki, ərazidəki evlərin sənədləri olmadığı üçün sakinlər əmlak və torpaq vergisi ödəmirlər. Buna baxmayaraq, bələdiyyə imkanları daxilində onlara kömək göstərməyə çalışacaq.

"Bizə bu barədə dünən məlumat verilib. Həmin ərazilər zəbt olunmuş torpaqlar hesab olunur. Bəzi evlər kənd təsərrüfatı təyinatlı torpaqlarda tikildiyi üçün belə bir vəziyyət yaranıb. Sakinlərə dəfələrlə bildirmişik ki, heç olmasa, torpaq vergisini ödəməlidirlər. Çalışacağıq ki, onlara ən qısa zamanda kömək göstərək", - Faiq Məmmədov qeyd edib.

Oxşar xəbərlər

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub
İnfantino Hövsanda inşa olunan meydançalara baxış keçirib
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2
Xocalı şəhərində "Qarabağ Tekstil Evi" MMC istifadəyə verilib

Ən son xəbərləri bizim

"Facebook" səhifəmizdə izləyin

Digər xəbərlər