Əsas hədəfim ölkəmizi beynəlxalq qurumda layiqincə təmsil etmək, vəzifə öhdəliklərimin öhdəsindən məsuliyyətlə gəlməkdir.

Bunu "Far.Az"a açıqlamasında Azərbaycan Voleybol Federasiyasının (AVF) həkimi Vüsalə Kazımova Beynəlxalq Voleybol Federasiyasının (FIVB) Tibb Komissiyasına üzv seçilməsi ilə bağlı danışarkən deyib.

O, bu xəbəri sevinclə qarşıladığını bildirib:

"FIVB-nin Tibb Komissiyasına üzv seçilməyim mənim üçün qürurvericidir. Namizədliyim Azərbaycan Voleybol Federasiyası tərəfindən verildi. Etimada görə qurumun rəhbərliyinə dərin minnətdarlığımı bildirirəm. Hesab edirəm ki, ölkəmizdə keçirilən beynəlxalq idman tədbirlərindəki fəaliyyətimin və Avropa Voleybol Konfederasiyasında Tibb Komissiyasının üzvü olmağımın FIVB-nin Tibb Komissiyasına üzv seçilməyimə böyük təsiri var".

Qeyd edək ki, Vüsalə Kazımova FIVB-nin İdarə Heyətinin ilk iclasında Tibb Komissiyasına üzv seçilib. O, 2028-ci ilədək burada fəaliyyət göstərəcək.

Oxşar xəbərlər

Avropa Voleybol Konfederasiyasının İdarə heyətinin ilk iclası keçirilib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

AVF-nin məşqçi-müəllimlər üçün təşkil etdiyi növbəti kurs başa çatıb

Azərbaycan Voleybol Federasiyasının rəsmisi yenidən CEV-ə üz seçilib

Cəlil Cəfərov növbəti dəfə Avropa Voleybol Konfederasiyasının İdarə Həyətinə üzv seçilib