Ukrayna Rusiyanın dondurulmuş aktivləri hesabına ilk vəsaiti alıb.

“Far.Az” xəbər verir ki, bu barədə Ukraynanın Baş naziri Denis Şmıqal “Telegram” kanalında bildirib.

"Ukrayna ABŞ-dən Rusiyanın dondurulmuş aktivlərindən əldə edilən gəlir hesabına 1 milyard dollar alıb. Bu, G7 təşəbbüsü çərçivəsində Rusiya aktivlərinin istifadəsi hesabına ABŞ-nin ayırmağa hazır olduğu 20 milyard dollar məbləğində vəsait çərçivəsində ilk tranşdır", - D.Şmıqal qeyd edib.

Baş nazir Ukraynanın qeyd olunan məbləğin qalan hissəsini nə vaxt alacağını dəqiqləşdirməyib.

Dekabrın 20-də məlum olub ki, Ukrayna Moskvanın dondurulmuş aktivləri hesabına vəsait almağa imkan verən sazişlər imzalayıb. D.Şmıqal qeyd edib ki, dondurulmuş aktivlərin istifadəsi mexanizmi çərçivəsində ABŞ-nin qarşıdan gələn töhfəsi hesabına Dünya Bankı tərəfindən geri qaytarılmayan qrant şəklində 1 milyard dollar ayrılacaq.

Xatırladaq ki, oktyabrda G7 ölkələrinin liderləri Ukraynaya 50 milyard dollar məbləğində kreditin ayrılmasının detalları ilə bağlı razılığa gəldiklərinə dair birgə bəyanat qəbul ediblər.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Bakıda COP29-un Liderlər Sammitinin açılış mərasimi keçirilib - YENİLƏNİB-2

Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2

VII çağırış Milli Məclisin ilk iclası keçirilib, Prezident İlham Əliyev toplantıda iştirak edib və nitq söyləyib - YENİLƏNİB-3

Dünyadakı inkişaf banklarının iqlim dəyişikliyi ilə mübarizəyə ayırmaları rekord həddə çatıb