"Son illərdə Azərbaycanla Serbiya arasındakı səmimi dostluq və qarşılıqlı faydalı əməkdaşlıq münasibətləri bütün sahələrdə uğurla inkişaf edib və strateji tərəfdaşlığın ən yüksək səviyyəsinə çatıb"

"Report"un Balkan bürosu xəbər verir ki, bunu Azərbaycanın Serbiyadakı səfiri Kamil Xasiyev 28 May-Müstəqillik Günü münasibətilə Belqradda keçirilən rəsmi qəbulda çıxışı zamanı bildirib.

Onun sözlərinə görə, bu gün Serbiya Avropa qitəsində Azərbaycanın ən yaxın dostlarından və etibarlı tərəfdaşlarından biridir:

"Bu münasibətlər güclü siyasi təməl üzərində qurulub. Bu münasibət yenə də Prezident İlham Əliyev və Prezident Aleksandar Vuçiçin böyük strateji liderliyi və şəxsi töhfəsi ilə şərtlənir.

Azərbaycan Prezidenti İlham Əliyevin bu ilin fevralında Belgrada rəsmi səfəri ikitərəfli münasibətlərimiz tarixində mühüm bir mərhələ oldu. İki prezidentin sədrliyi altında Strateji Tərəfdaşlıq Şurasının ilk iclası keçirildi, bu zaman tərəfdaşlığımızı keyfiyyətcə yeni səviyyəyə qaldıran bir sıra mühüm sənədlər imzalandı. Prezident Vuçiçin may ayında Bakıya səmərəli işgüzar səfəri, xüsusilə enerji sektoru üzrə Strateji Tərəfdaşlıq Şurasının qərarlarının icrasının nəticələrini qiymətləndirməyə imkan verdi.

İqtisadi əməkdaşlığımız uğurla inkişaf edir və daha böyük potensial daşıyır. Mədəni əlaqələr möhkəmlənir. Təhsil, idman, gənclik siyasəti, ailə və gender bərabərliyi sahəsindəki siyasət, ətraf mühitin mühafizəsivə bir çox digər sahələrdə əməkdaşlıq sürət qazanır".

Oxşar xəbərlər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

20 Sentyabr - Neftçilər Günü münasibətilə tədbir keçirilib