Ukrayna yanvarda Fransadan ilk dəfə, 3 ədəd olmaqla “Mirage 2000-5F” qırıcısı alacaq.

“Report” “RBK Ukrayna”ya istinadən xəbər verir ki, bu barədə “Avions Legendaires” nəşri məlumat yayıb.

Nəşr qeyd edir ki, Ukraynanın alacağı təyyarələr Fransa Aerokosmik Qüvvələrinin arsenalından çıxarılıb və daha mürəkkəb tapşırıqları yerinə yetirmək üçün modifikasiya edilib.

Ümumilikdə Ukrayna 10-a yaxın “Mirage” qırıcısı ala bilər.

“Avions Legendaires”in məlumatına görə, ilk üç təyyarə yanvarın 20-dək Ukraynaya çatdırılacaq.

Eyni zamanda, nəşrin bəzi mənbələri “Mirage”ların artıq Ukraynada olduğunu, lakin hələlik pilotların hazırlanması üçün istifadə edildiyini vurğulayıb.

Xatırladaq ki, 2024-cü il iyunun əvvəlində Fransa Prezidenti Emmanuel Makron “Mirage 2000” qırıcılarını Ukraynaya vermək niyyətində olduğunu açıqlayıb. KİV Ukraynanın Fransa təyyarələrinin modernləşdirilmiş versiyasını ala biləcəyini yazıb.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

İlham Əliyev V “ADEX-2024” və “Securex Caspian” sərgiləri ilə tanış olub - YENİLƏNİB-2

Bakıda COP29-un Liderlər Sammitinin iştirakçılarının qarşılanma mərasimi keçirilib - YENİLƏNİB

Ukrayna ilk “Mirage-2000” təyyarələrini 2025-ci ilin əvvəlində alacaq

Bakıda COP29-un Liderlər Sammitinin açılış mərasimi keçirilib - YENİLƏNİB-2