İrəvan metrosunda xuliqanlıq əməli törətməkdə şübhəli bilinən beş əcnəbi saxlanılıb.

“Report” erməni KİV-ə istinadən xəbər verir ki, onlar "Baqrataşen" nəzarət-buraxılış məntəqəsini keçməyə cəhd edərkən polis və Milli Təhlükəsizlik Xidmətinin (MTX) əməkdaşları tərəfindən saxlanılıblar.

"Saxlanılan şəxslər və tərtib edilmiş sənədlər Erebuni və Nubaraşen inzibati rayonlarının istintaq şöbəsinə təqdim edilib", - birgə məlumatda deyilir.

Qeyd edək ki, fevralın 1-i axşam saatlarında İrəvan metrosunda xarici vətəndaşların iştirakı ilə insident baş verib. Maşinist dispetçerə qeyri-standart vəziyyətin yarandığı barədə məlumat verib - "Zoravar Andranik" stansiyasından "Sasuntsi David" stansiyasına qədər olan yolda bir sərnişin “stop-kran”ı dartıb, daha sonra 4-5 nəfər maskalı şəxs qatara yaxınlaşaraq vaqonları rəngləməyə başlayıb.

Bir neçə dəqiqə sonra maşinistdən yenidən həyəcan siqnalı daxil olub, bu dəfə səbəb həmin şəxslərin qatara daş atmaları və hərəkətinə mane olmaları ilə bağlı olub. Bununla əlaqədar hadisə yerinə əməliyyat qrupu göndərilib və istintaq hərəkətləri nəticəsində icraçıların şəxsiyyəti müəyyən edilib.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda COP29-un Liderlər Sammitinin iştirakçılarının qarşılanma mərasimi keçirilib - YENİLƏNİB

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

İlham Əliyev V “ADEX-2024” və “Securex Caspian” sərgiləri ilə tanış olub - YENİLƏNİB-2

Klassik avtomobillərin yürüşü və sərgisi keçirilib