Azərbaycanın Kubadakı səfiri Ruslan Rzayev fevralın 7-də Karib Ölkələri Birliyi (CARICOM) yanında səlahiyyətli nümayəndə təyin edilməsi ilə bağlı məktubunu bu təşkilatın baş katibi Karla Barnetə təqdim edib.

Səfrilikdən "Far.Az"a verilən məlumata görə, görüş zamanı Azərbaycan və CARICOM arasında əməkdaşlıq perspektivləri barədə fikir mübadiləsi aparılıb.

CARICOM-un Baş katibinin, eləcə də üzv ölkələrdən yüksək səviyyəli nümayəndə heyətlərinin COP29-da fəal iştirakı, COP29 çərçivəsində həyata keçirilmiş ikitərəfli görüşlər, o cümlədən CARICOM-un öz stendi ilə COP29 pavilyonunda təmsil olunması məmnunluqla qeyd edilib.

Görüşdə CARICOM-un üzv ölkələri də daxil olmaqla Azərbaycan tərəfindən kiçik ada dövlətlərinə göstərilən humanitar yardımlara toxunulub. Azərbaycan və CARICOM-a üzv dövlətlər arasında müxtəlif sahələrdə ikitərəfli əməkdaşlığın təşviq edilməsinin vacibliyi vurğulanıb.

Azərbaycan tərəfinin CARICOM-la əməkdaşlığa göstərdiyi marağın yüksək qiymətləndirildiyini və istər CARICOM təşkilatı ilə birbaşa, istərsə də üzv dövlətləri ilə ikitərəfli əməkdaşlığın inkişaf etdirilməsinə dəstək göstərməyə hazır olduqları bildirilib.

Görüş zamanı həmçinin qarşılıqlı maraq doğuran digər məsələlər ətrafında fikir mübadiləsi aparılıb.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

COP29 çərçivəsində inkişaf etməkdə olan kiçik ada dövlətlərinin Sammiti keçirilib, Prezident İlham Əliyev tədbirdə iştirak edib - YENİLƏNİB

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Bakıda COP29-un Liderlər Sammitinin açılış mərasimi keçirilib - YENİLƏNİB-2

“The Telegraph” qəzeti Prezident İlham Əliyevin SIDS Sammitindəki çıxışını geniş işıqlandırıb