Avstraliyada falçı olduğunu iddia edən qadın və onun qızı 46 milyon dollarlıq maliyyə dələduzluğu ittihamı ilə həbs olunub.

BAKU.WS xəbər verir ki, "ABC News"un məlumatına görə, 53 yaşlı Anya Fan və 25 yaşlı qızı ölkənin ən böyük maliyyə cinayətkar qruplarından birinin üzvü olmaqda şübhəli bilinir.

Sidneydə keçirilən əməliyyat zamanı polis onların evində maliyyə sənədləri, mobil telefonlar, lüks çantalar, 4 min dollardan çox dəyərində kazino fişləri və təxminən 6 min dollar dəyərində 40 qramlıq qızıl külçə aşkarlayıb.

İstintaqa görə, Fan müştərilərinə gələcəkdə "milyarder" olacaqlarını vəd edərək kredit götürməyə inandırıb, daha sonra həmin pulların bir hissəsini mənimsəyib.

Avstraliya Yeni Cənubi Uels Cinayət Komissiyası məsələ ilə bağlı 10 milyon dollarlıq əlavə aktivlərin dondurulduğunu açıqlayıb.

Polis həmçinin bildirib ki, saxlanılanlar avtomobil maliyyə şirkətlərini hədəf alan cinayətkar şəbəkə ilə əlaqəlidir. Həmin qrup oğurlanmış şəxsi məlumatlardan istifadə edərək saxta kreditlər götürüb və mövcud olmayan lüks avtomobillərin alışı üçün sənədlər təqdim edib.

Əməliyyat çərçivəsində daha əvvəl 17 nəfər saxlanılıb, 40 milyon dollarlıq əmlak isə dondurulub.

Oxşar xəbərlər

Kazino oyunlarının yalnız süni torpaq sahələrində təşkil edilməsinə icazə verilməsinin səbəbi açıqlanıb

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Milli Məclis kazinoların fəaliyyəti ilə bağlı qanuna təklif edilən dəyişiklik layihəsini qəbul etdi

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4