ABŞ prezidentlərinin mühafizəsinə cavabdeh olan Məxfi Xidmət amerikalıları bu federal agentlikdə işə qəbula çağıran reklam çarxının hazırlanmasına 2 milyon dollar xərcləyib.

“Report” xəbər verir ki, bu barədə CNN telekanalı mənbələrə istinadən məlumat yayıb.

Layihəni "Transformerlər", "Pörl-Harbor" və "Armageddon" filmlərinin rejissoru Maykl Bey həyata keçirib.

Telekanalın məlumatına görə, bu çarxa çəkilən xərc Məxfi Xidmətin bu vaxta qədər müqavilə üzrə işə qəbul reklamlarına xərclədiyi məbləğdən iki dəfə çoxdur. Mənbələr qeyd edir ki, ayrılan vəsaitin həcmi ABŞ Prezidenti Donald Trampın başlatdığı müxtəlif nazirlik və qurumların xərclərinin azaldılması kampaniyası fonunda xüsusilə çox görünür.

Telekanal qeyd edib ki, reklam Məxfi Xidmət agentlərinin ABŞ-nin birinci şəxslərinin mühafizəsindəki rolunu göstərməlidir. Bununla yanaşı, CNN bildirib ki, çarxda prezidentlərin mühafizəsindəki böyük uğursuzluqlar da əks olunub: 1963-cü ildə Con Kennedinin qətli və 2024-cü ilin iyulunda Donald Trampa qarşı sui-qəsd cəhdi. Çarxda həmçinin 1865-ci ildə Məxfi Xidmətin yaradılması haqqında fərman imzaladığı gün qətlə yetirilən prezident Avraam Linkoln da yer alıb.

Oxşar xəbərlər

Bakıda COP29-un Liderlər Sammitinin iştirakçılarının qarşılanma mərasimi keçirilib - YENİLƏNİB

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Klassik avtomobillərin yürüşü və sərgisi keçirilib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

İlham Əliyev V “ADEX-2024” və “Securex Caspian” sərgiləri ilə tanış olub - YENİLƏNİB-2