Diabet iynələrindən arıqlamaq üçün istifadə ciddi fəsadlar yarada bilər
Diabet xəstələri üçün həkim məsləhəti ilə istifadə olunan iynələr "arıqlama iynələri" adı altında məşhurlaşıb.
Far.Az Xezerxeber.az-a istinadən xəbər verir ki, bunlardan biri də "Ozempic" adlı preparatdır.
Səhiyyə Nazirliyi Analitik Ekspertiza Mərkəzindən verilən məlumata görə, 2023-2024-cü illərdə ölkəyə 106 304 ədəd "Ozempic" idxal edilib.
Son zamanlar bu preparatdan geniş istifadə olunmağa başlanılıb. Artıq çəkidən əziyyət çəkən insanların bəziləri bu iynəni həkim icazəsi olmadan alır və qəbul edir. Hətta ölkədə qiyməti baha olduğu üçün bu iynəni xaricdən daha ucuz qiymətə gətirənlər də var.
Həkim - endokrinoloq Jalə Oqtayzadə isə deyib ki, bu tip iynələri ancaq həkim təyin etməlidir, çünki özbaşına istifadəsi ciddi fəsadlar yarada bilər.
Həkimin sözlərinə görə, dərəcəsi düzgün təyin edilməyən bu tip iynələrin istifadəsi mədə-bağırsaq sistemində problemlər yarada, əzələ itkisi və hətta sümük əriməsinə səbəb ola bilər.
Səhiyyə Nazirliyinin Analitik Ekspertiza Mərkəzindən verilən məlumata görə, ölkəmizdə bu preparat 2020-ci ildən dövlət qeydiyyatından keçib. Bu dərman ötən il Azərbaycana 9 dəfə idxal edilib və keyfiyyət parametrlərində hər hansı uyğunsuzluq aşkar edilməyib. Mərkəzdən o da bildirildi ki, bəzi insanlar bu dərmandan arıqlamaq üçün istifadə etsələr də, istifadəni kəsən kimi yenidən həmin çəkiyə qayıdırlar. Sözügedən iynə köklükdən əziyyət çəkən şəkərli diabet xəstələrində istifadə edilir. Preparatın göstərişdən kənar olaraq, yəni arıqlamaq üçün istifadəsi qadağandır. Qurum əlavə edib ki, Azərbaycanda dərman vasitəsinin istifadəsi ilə əlaqədar 23 əlavə təsir haqqında bildiriş verilib, hələ ki, zərərçəkən olmayıb.
Oxşar xəbərlər
Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4
Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2
VII çağırış Milli Məclisin ilk iclası keçirilib, Prezident İlham Əliyev toplantıda iştirak edib və nitq söyləyib - YENİLƏNİB-3
Dünyada 820 milyondan çox insan diabetdən əziyyət çəkir
Ən son xəbərləri bizim
"Facebook" səhifəmizdə izləyin
Digər xəbərlər
-
"United Airlines" şirkətinin işində iri miqyaslı nasazlıq yaranıb
-
Pentaqon Yaxın Şərqdə 20-dən çox gəmi cəmləşdirib
-
"Bakcell" gənclər üçün növbəti süni intellekt hakatonunu keçirib
-
Azərbaycan millisi Andorranı məğlub edib, Emin Mahmudov yığmada son oyununu keçirib
-
CNN: İran Vaşinqtonda Tramp administrasiyası rəsmilərinə hücumlar hazırlayır
-
Lənkəranda qaz xətti zədələnib, bir sıra kəndlər qazsız qalıb













