Yaponiyalı alimlərin apardığı yeni araşdırma Günəşin aktivliyinin Yerdəki seysmik proseslərə təsir edə biləcəyini göstərib.

BAKU.WS xəbər verir ki, Tsukuba Universiteti və Yaponiyanın Qabaqcıl Sənaye Elmi və Texnologiyaları Milli İnstitutunun tədqiqatçıları bu mövzuya dair maraqlı nəticələr əldə ediblər.

Tədqiqatçılar Günəş aktivliyi, yeraltı hərəkətlər və Yer səthinin temperaturu ilə bağlı məlumatları analiz edərək müəyyən ediblər ki, Günəşdən yayılan istilik süxurların fiziki xassələrini dəyişdirə bilər.

Temperatur dəyişikliyi süxurların daha kövrək hala gəlməsinə və çatlamasına səbəb ola bilər. Bununla yanaşı, bu proses yeraltı suların hərəkətinə təsir edərək tektonik plitələrin sərhədlərindəki təzyiqin dəyişməsinə gətirib çıxara bilər.

Alimlər bildirirlər ki, bu təsirlər nisbətən zəif olsa da, seysmik aktivliyə müəyyən təsir göstərə bilər. Onların fikrincə, Günəş aktivliyi ilə bağlı proqnozların Yer temperatur modellərinə daxil edilməsi zəlzələlərin daha dəqiq proqnozlaşdırılmasına kömək edə bilər.

Bu kəşf, gələcəkdə seysmik fəaliyyətin daha dəqiq izlənilməsinə və potensial təbii fəlakətlərin daha erkən müəyyən olunmasına töhfə verə bilər.

Oxşar xəbərlər

"Elmi Nəşrlər" Azərbaycanda: əməkdaşlığın genişləndirilməsi və alimlərin dəstəyi

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Azərbaycanda keçiriləcək COP29 - iqlim dəyişmələrinin qarşısıalınmaz fəsadları ilə mübarizədə yeni mərhələ - RƏY

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Bakıda COP29-un Liderlər Sammitinin açılış mərasimi keçirilib - YENİLƏNİB-2