“Finex Kredit” BOKT ASC bu ilin ilk yarısını 228,5 min manat xalis zərərlə başa vurub.
“APA-Economics” BOKT-a istinadən xəbər verir ki, bu ötən ilin eyni dövrü ilə müqayisədə 2,2 dəfə çoxdur. Belə ki, kredit təşkilatı ötən ilin birinci yarısında 103,5 min manat xalis zərər açıqlamışdı.
Bu ilin ilk altı ayında “Finex Kredit”in faiz gəlirləri ötən ilin eyni dövrünə nisbətən 37,8% azalaraq 415,9 min manata, faiz xərcləri 19,5% azalaraq 259,4 min manata, xalis faiz gəlirləri isə 2,2 dəfə azalaraq 156,4 min manata enib.
Bu dövrdə BOKT-un qeyri faiz gəlirləri 40,4 min manat, qeyri-faiz xərcləri isə 425,3 min manat, xalis əməliyyat zərəri 228,5 min manat (1,7 dəfə az) təşkil edib.
Bu ilin iyulun 1-nə “Finex Kredit”in cəmi aktivləri 3,6% azalaraq 5,457 milyon manata, cəmi kapitalı isə 24% azalaraq 674,6 min manata enib, o cümlədən yığılmış zərəri 325,4 min manata bərabər olub. BOKT-un cəmi öhdəlikləri isə 0,8% artaraq 4,782 milyon manata çatıb.