AFFA "Sumqayıt" klubunun baş məşqçisi Samir Abasova xəbərdarlıq edib.

“Report” xəbər verir ki, bu barədə qurumun İntizam Komitəsinin iclasında qərar qəbul olunub.

S.Abasov Azərbaycan Premyer Liqasının IV turunun “Sabah”la səfər oyununda (1:3) intizam qaydalarını pozub.

AFFA azarkeşlərinə görə də “Sumqayıt”a xəbərdarlıq edib. Buna qonaq fanatların rəqib komandanın ünvanına kütləvi şəkildə təhqiramiz ifadələr səsləndirməsi səbəb olub. Bu hal cari mövsümdə ilk dəfə yaşandığına görə qurum xəbərdarlıq etməklə kifayətlənib.

“Sabah” - “Sumqayıt” görüşü bitdikdən sonra meydana kənar şəxs daxil olduğuna görə Bakı klubu 800 manat cərimələnib.

İntizam Komitəsi “Zirə”ni də 2000 manat cərimələyib. Buna səbəb “Şamaxı” ilə oyun bitdikdən sonra Bakı təmsilçisinin AFFA nümayəndəsinin tələblərinə əməl etməməsi olub.

Oxşar xəbərlər

"Kəpəz"in analitiki fiziki təzyiq göstərməyə cəhdə görə cəzalanıb

UEFA Konfrans Liqası: "Zirə" "Omoniya" səfərində böyük hesabla məğlub olub - YENİLƏNİB - 8

Daşkənddə Azərbaycan və Özbəkistan prezidentlərinin işgüzar dairələrin nümayəndələri ilə görüşü keçirilib - YENİLƏNİB - 2

UEFA Konfrans Liqası: "Zirə" "Omoniya" səfərində böyük hesabla məğlub olub - YENİLƏNİB - 7

"Şamaxı" "Zirə"ni məğlub edib