Paytaxtın Binəqədi rayonu ərazisində yola tullantı atan "Mersedes" markalı avtomobilin sürücüsü müəyyən edilib.

Bakı şəhər DYPİ-dən Far.Az-ə verilən məlumata görə Qanunun tələbini pozaraq nəqliyyat vasitəsindən küçəyə tullantı atdığına görə sürücü barəsində İnzibati Xətalar Məcəlləsinin müvafiq maddəsinə əsəsən 40 manat məbləğində inzibati tənbeh tədbiri tətbiq edilib.

Bir daha sürücülərin diqqətinə çatdırırıq ki, bu hallar inzibati qayda pozuntusudur, polis əməkdaşları tərəfindən tədbirlər görülür.

***17:00

Paytaxt ərazisində minik avtomobilini idarə edən sürücü zibillə dolu sellofan torbanı küçəyə atıb.

Bu barədə Far.Az-in "Qaynar xətti"nə görüntülər göndərilib.

Kadrlarda dövlət qeydiyyat nişanı “59-BX-209” nömrəli olan maşının sürücüsününün küçəni zibillədiyi əks olunub. 

Video həmin vaxt yoldan keçən başqa bir sürücü tərəfindən lentə alınıb.

İnzibati Xətalar Məcəlləsində qeyd olunur ki, magistral yolları zibilləyən sürücülər 40 manat, sərnişinlər isə 30 manat cərimə edilməlidir. 

Avtomobil yollarının zibillənməsinə, müxtəlif tərkibli maddələr axıdılmasına, daş, çınqıl, qum və ot tökülməsinə, suvarma, çirkab və kanalizasiya sularının avtomobil yoluna axıdılmasına, yol örtüyünün çirklənməsinə görə fiziki şəxslər 30-50 manat, vəzifəli şəxslər 150-200 manat, hüquqi şəxslər 1500-2000 manat cərimə edilir.

Far.Az sözügedən görüntüləri təqdim edir:

Far.Az

Oxşar xəbərlər

Bakıda sürücü avtomobildən yola zibil atdı - ANBAAN VİDEO

Allahverdi Əsədov: Qarabağ müharibəsindən çəkdiyim kasetlər məhv olmaq üzrədir, yiyə duran yoxdur - MÜSAHİBƏ

Daşkənddə Azərbaycan və Özbəkistan prezidentlərinin işgüzar dairələrin nümayəndələri ilə görüşü keçirilib - YENİLƏNİB - 2

AZAL-ın Baş Kommersiya İnzibatçısı: “Bilet qiyməti heç də hər zaman aviaşirkətdən asılı deyil”-MÜSAHİBƏ

Zaqatalada iki minik avtomobilinin toqquşması nəticəsində ərlə arvad ölüb - YENİLƏNİB 1 - FOTO