Bu gün Mingəçevir "Kür" Olimpiya Kompleksində III MDB Oyunlarının karate yarışları keçirilib.

Azərbaycan idmançıları bir neçə medal qazanıblar.

Qadınlar arasında 55 kiloqram çəki dərəcəsində iki həmyerlimiz üz-üzə gəlib. Mədinə Sadiqova Nəzrin Piriyevaya qalib gələrək qızıl medalın sahibi olub.

Kişilər arasında -67 kq çəki dərəcəsində çıxış edən Nuran Rzazadə isə qırğızıstanlı Yerlan Akılbeki 7:3 hesabı ilə məğlub edərək qızıl medal əldə edib. Bundan əlavə, kata proqramında çıxış edən Roman Heydərov da özbəkistanlı Səməndər Urazaliyevi üstələyərək qızıl medala sahib çıxıb.

Azərbaycanın digər karateçiləri - İnci Əzizova (50 kq), Aslan Dostuyev (67 kq), Ramilə Heydərova və Rövşən Əliyev (hər ikisi kata) yarımfinal mərhələsində uduzaraq bürünc medal qazanıblar.

Qeyd edək ki, karate yarışlarına oktyabrın 4-də yekun vurulacaq.

Qalereya

Oxşar xəbərlər

Prezident İlham Əliyev Yevlax Olimpiya İdman Kompleksinin açılışında iştirak edib

III MDB Oyunlarının təhlükəsizliyi üçün FHN tədbirlər görüb

III MDB Oyunlarında iştirak edəcək daha iki ölkənin idmançıları Bakıya gəlib

III MDB Oyunları: Azərbaycanın beş karateçisi finala yüksəlib, dördü bürünc medalla kifayətlənib

III MDB Oyunları: Azərbaycanın badminton komandası bürünc medal qazanıb