Azərbaycan turizm sektoru son illərdə sabit artım tempi nümayiş etdirir.

BAKU.WS-in əldə etdiyi məlumata görə, 2025-ci ildə ölkə üzrə fəaliyyət göstərən otellərin sayı 813-ə yüksəlib.

Bu, 2019-cu illə müqayisədə 170-dən çox artım deməkdir. Ən çox otel paytaxt Bakıda cəmləşib -burada 294 otel turistlərə xidmət göstərir. Paytaxt həm beynəlxalq tədbirlərin, həm də mədəni turizmin mərkəzi kimi liderliyini qoruyur. Bakını Quba-Xaçmaz (111 otel), Lənkəran-Astara (100 otel), və Şəki-Zaqatala (75 otel) regionları izləyir.

Qeyd edək ki, bu artım təkcə daxili turizmin inkişafı ilə deyil, həm də xarici turist axınının yüksəlməsi ilə bağlıdır. Azərbaycanın təbii və mədəni zənginliyi, eləcə də yeni turizm infrastrukturu ölkəni regionun ən cəlbedici istiqamətlərindən birinə çevirir.

2025-ci ildə ən çox otelə sahib olan Top-10 bölgə:

1. Bakı şəhəri – 294 otel

2. Quba-Xaçmaz – 111 otel

3. Lənkəran-Astara – 100 otel

4. Şəki-Zaqatala – 75 otel

5. Dağlıq Şirvan – 49 otel

6. Gəncə-Daşkəsən – 43 otel

7. Abşeron-Xızı – 32 otel

8. Mərkəzi Aran – 28 otel

9. Qarabağ – 17 otel

10. Naxçıvan Muxtar Respublikası – 17 otel

Orxan Hüseyn

Oxşar xəbərlər

SWG SPA təşkilatı Azərbaycan Milli Məclisinə keçirilən seçkilərin "exit-poll" nəticələrini açıqlayıb

"Oracle Advisory Group" parlament seçkilərində "exit poll"un nəticələrini açıqlayıb

Sosioloji Tədqiqatlar Mərkəzi növbədənkənar parlament seçkilərində “exit-poll”un nəticələrini açıqlayıb

Bakıda aeroportdan şəhərin mərkəzinə neçəyə getmək olur? - QİYMƏTLƏR

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2