Estoniyanın paytaxtı Tallində keçiriləcək gənclər arasında Avropa çempionatında iştirak edəcək Azərbaycan cüdoçuları dəqiqləşib.

Bu barədə "Far.Az"a Azərbaycan Cüdo Federasiyasının mətbuat xidmətindən məlumat verilib.

Ölkəmiz turnirdə 11 çəki dərəcəsində 9 oğlan və 7 qız idmançı ilə təmsil olunacaq.

Cüdoçular sentyabrın 5-7-də fərdi, ayın 8-də isə komanda yarışlarında iştirak edəcəklər. Məmmədrza Hacızadə komanda yarışında mübarizəyə qoşulacaq.

Onlara gənclərdən ibarət yığmanın baş məşqçisi Elxan Məmmədov, məşqçi Elxan Rəcəbli, qadınlardan ibarət yığma komandanın məşqçiləri Elnur İsmayılov və İmamverdi Məmmədov rəhbərlik edəcək.

Qızlardan Könül Əliyeva, Fəridə Mirzəyeva (hər ikisi 48 kq), Xədicə Qədəşova (52 kq), Fidan Əlizadə, Fidan Qasımova (57 kq), Pərvanə Abdullayeva (70 kq), Nigar Süleymanova (+78 kq), oğlanlardan Nizami İmranov (60 kq), Vüsal Qələnədrzadə, Aydın Rzayev (hər ikisi 73 kq), Süleyman Şükürov (81 kq), Aslan Kotsoyev, Şamil Tuncay (hər ikisi 90 kq), Əjdər Bağırov (100 kq), Ramazan Əhmədov və Kənan Nəsibov (hər ikisi +100 kq) tatamiyə çıxacaqlar.

Qeyd edək ki, yarışda Olimpiya mükafatçısı Rüstəm Orucov Avropa Cüdo Birliyi tərəfindən idman komissarı, Əməkdar məşqçi, Əməkdar bədən tərbiyəsi və idman xadimi Əli Dəvrişov isə İnformasiya Texnologiyaları üzrə təşkilat komitəsinin üzvü kimi fəaliyyət göstərəcək.

Oxşar xəbərlər

Azərbaycan cüdoçuları İspaniyada təlim-məşq toplanışında iştirak edib

Mehriban Əliyevanın doğum günüdür

Milli Məclisə seçkilərdə lider namizədlərin adları açıqlanıb - YENİLƏNİB

Qusarda yeni Cüdo Təlim Mərkəzi açılıb

SWG SPA təşkilatı Azərbaycan Milli Məclisinə keçirilən seçkilərin "exit-poll" nəticələrini açıqlayıb