Dinin bir çox funksiyaları bu gün çox aktualdır. Bunlardan biri insanda dünya görüşünün, mədəniyyətin, əxlaqın formalaşmasıdır.

BAKU.WS xəbər verir ki, bunu "Müasir din təhsili modeli: Mənəvi dəyərlər qlobal çağırışlar kontekstində" keçirilən beynəlxalq simpoziumda çıxışı zamanı elm və təhsil nazirinin müavini Firudin Qurbanov deyib.

O, bildirib ki, dünyada 5 minə yaxın din var. Bu onu göstərir ki digər mənəvi həyatın sistemində dinin özünə məxsus böyük rolu var:

"Bu ilk növbədə əxlaq və mənəviyyatla bağlıdır. Dinin bir çox funksiyaları bu gün çox aktualdır. Bunlardan biri insanda dünya görüşünün, mədəniyyətin, əxlaqın formalaşmasıdır. Dinin kommunikativ funksiyası da var. Bunlar onu göstərir ki, bu gün dinin olduqca böyük əhəmiyyəti var. Elm və Təhsil Nazirliyi olaraq dini təhsil alanlara xüsusi diqqət yetiririk".

Nazirlik rəsmisinin sözlərinə görə, Azərbaycanda həm orta, həm də ali məktəblərdə bir sıra fənnlərdə, xüsusilə də "Həyat bilgisi", "Azərvaycan tarixi" kimi tədris fənlərində din barədə məlumatlar verilir:

"Dinlər barədə məlumatın verilməsi gənclərdə gələcəkdə dinə hörməti formalaşdırır. Bizdə digər ölkələrin dinlərinə böyük hörmət bəslənir. Biz Bakının ən gözəl yerində erməni kilsəsini qoruyub saxlamışıq".

Banu Hüseynli

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

Qarabağ Universitetində "Mənəvi dəyərlər" günü keçirilib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib