Xaçmaz rayonunun Mürşüdoba kənd məktəbinin hazırkı durumu valideynlərin narazılığına səbəb olub. 300-ə yaxın şagirdin təhsil aldığı məktəb binası, demək olar ki, yararsız vəziyyətdədir.

Baku TV-nin qaynar xəttinə müraciət edən sakinlər aidiyyəti qurumlara səslənərək şagirdlərin təhlükəsiz və rahat təhsil alması üçün şəraitin yaradılmasını istəyirlər.

"Bu məktəb 80-90 ildir fəaliyyət göstərir. Uşaqların belə şəraitdə təhsil alması çox təhlükəlidir. Divarlarda çatlar var, dam hər an uça bilər.

Hasarlar da aşmaq üzrədir. Hansısa uşağın üstünə aşsa, buna kim cavab verəcək?" - deyə sakinlərdən biri narazılığını bildirib.

Başqa bir sakin isə məktəbdəki antisanitar şəraitdən şikayətlənib:

"Damdan su damır, qapı-pəncərə, demək olar ki, yoxdur. Siçan iyindən isə sinifdə dayanmaq mümkün deyil. Uşaq iki gün məktəbə getsə, iki həftə xəstəxanada qalırıq".

Quba-Xaçmaz Regional Təhsil İdarəsindən bildirilib ki, mövcud vəziyyətindən xəbərdardırlar. Binanın əsaslı təmiri və yenidən tikintisi ilə bağlı məsələ qeydiyyata alınıb.

Ətraflı videomaterialda:

Oxşar xəbərlər

Xətai rayonunda Heydər Əliyev Fondu tərəfindən yeni məktəb binası istifadəyə verilib

FHN-in Dövlət Yanğından Mühafizə Xidməti növbəti "açıq qapı günü" tədbirləri keçirib

Turistlərin axın etdiyi Alban məbədi baxımsız vəziyyətdədir

Bakının mərkəzində xəstə qadın antisanitar vəziyyətdə TƏK YAŞAYIR

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2