ABŞ Çini Xəzər dənizi, Asiya və Qafqaz ölkələri vasitəsilə Avropa ilə birləşdirən Transxəzər Beynəlxalq Nəqliyyat Marşrutu (Orta dəhliz) layihəsində Tacikistanın iştirakının tərəfdarıdır.

“Far.Az” TASS-a istinadən xəbər verir ki, bunu ABŞ-nin Düşənbədəki səfiri Manuel Mikaller Tacikistanın “Xovar” dövlət agentliyinə müsahibəsində deyib.

"Biz Tacikistanın Mərkəzi Asiyanı Qafqaz və Avropa bazarları ilə birləşdirəcək Transxəzər ticarət marşrutunda iştirakına tərəfdarıq. Biz ABŞ-ni və Mərkəzi Asiyadakı 5 tərəfdaşımızı birləşdirən "C5+1" diplomatik platforması vasitəsilə bu tərəfdaşlarla daha sıx əməkdaşlığa və dünya bazarlarına çıxmağa kömək edəcəyimizə ümidvarıq”, – o bildirib.

Xatırladaq ki, Orta Dəhliz kimi tanınan Transxəzər Beynəlxalq Nəqliyyat Dəhlizi Çin, Qazaxıstan, Azərbaycan, Gürcüstan və Türkiyədən keçməklə Avropa ölkələrinə qədər uzanır. Dəhlizlə dəmir yolu və dəniz nəqliyyatından istifadə edilməklə konteyner daşımaları həyata keçirilir.

2022-ci ildə Avropa İttifaqının xarici işlər və təhlükəsizlik siyasəti üzrə ali nümayəndəsi Jozep Borrell Aİ-nin Mərkəzi Asiya ölkələri ilə iqtisadi əməkdaşlığı, o cümlədən Rusiyadan asılı olmayan yeni nəqliyyat dəhlizlərinin tikintisi hesabına genişləndirmək niyyətində olduğunu bildirib. Söhbət xüsusilə Orta Dəhlizdən gedib.

Oxşar xəbərlər

Ekspert: "Transxəzər dəhlizi Hind okeanından keçən ənənəvi dəniz yoluna etibarlı alternativdir"

İranın Zəngəzur yolu iddiası – Tehran Moskvaya qarşı - ŞƏRH

Qazaxıstan 2030-cu ilə qədər limanların gücünü 30 milyon tona çatdıracaq

Qazaxıstan Aktau və Kurık limanları ilə yükdaşımanın həcminə dair proqnoz açıqlayıb

Azərbaycan-Özbəkistan əməkdaşlığının daha geniş mənada regional əks-sədasını gözləmək olar - RƏY