Xətai rayonu, Əhmədli qəsəbəsi, Məhəmməd Hadi küçəsi 41 ünvanında yaşayan sakinlər məhəllənin baxımsız vəziyyətindən narazıdırlar.

Bu barədə sakinlərdən biri BAKU.WS-in "qaynar xətti"nə müraciət edib.

Şikayətçinin sözlərinə görə, binanın təmiri yarımçıq saxlanılıb. Belə ki, binanın yalnız 6-cı mərtəbəsinə qədər boyanma işləri aparılıb, qalan mərtəbələr isə uzun müddətdir yarımçıq qalıb.

Bundan başqa, binanın zirzəmisinə mütəmadi olaraq çirkab sular yığılır. Qurumlar tərəfindən su çəkilsə də, pis qoxu uzun müddət ərazidə qalır və sakinlərin narahatlığına səbəb olur.

Sakinlər həmçinin qeyd ediblər ki, məhəllə ərazisi taxta parçaları, zibillər və tikinti qalıqları ilə doludur:

"Burada uşaqlar oynamalıdır, amma zibillikdən, qoxudan dayanmaq olmur", - deyə şikayətçi vurğulayıb.

Sakinlər məsul qurumlardan məhəllənin abadlaşdırılması, zirzəmidəki kanalizasiya probleminin aradan qaldırılması və yarımçıq təmir işlərinin davam etdirilməsini xahiş edirlər.

Ərazidən kadrları təqdim edirik:

Oxşar xəbərlər

Turistlərin axın etdiyi Alban məbədi baxımsız vəziyyətdədir

Qurbanlıq heyvanların satışı və kəsimi xidmətləri göstəriləcək ünvanlar açıqlanıb

Xətai rayonunda Heydər Əliyev Fondu tərəfindən yeni məktəb binası istifadəyə verilib

Bir sıra heyvan kəsimi və ət satışı məntəqələrində nöqsanlar aşkarlanıb

İlham Əliyev Şeyx Məhəmməd bin Zayed Al Nəhyana Qarabağ atı hədiyyə edib