Portuqaliyalı hücumçu, Səudiyyə Ərəbistanının "Əl-Nasr" klubunun futbolçusu Kriştianu Ronaldo "İnter Mayami"nin oyunçusu Lionel Messinin ondan daha yaxşı olması fikri ilə razı deyil.

Far.Az xəbər verir ki, bu barədə portuqaliyalı ulduz Pirs Morqana müsahibəsində danışıb.

"Messinin məndən daha yaxşı olduğu fikri ilə razı deyiləm. Təvazökar olmaq istəmirəm", – deyə hücumçu qeyd edib.

Qeyd edək ki, Kriştiano Ronaldo "Qızıl top" mükafatının beşqat qalibi, Çempionlar Liqasının beşqat qalibi və Portuqaliya yığması ilə Avropa çempionudur. O, yığma komandalar tarixində ən çox qol vuran futbolçu rekorduna sahibdir. Hazırda Portuqaliya millisinin heyətində onun hesabında 143 qol var. Ümumilikdə Ronaldo karyerası ərzində 950 qol vurub.

Lionel Messi "Barselona"nın yetirməsidir. O, 2003–2021-ci illərdə klubun əsas heyətində çıxış edib. Bu müddətdə 835 oyuna çıxaraq 709 qol vurub. Messi "Barselona" ilə dörd dəfə Çempionlar Liqasını, 2022-ci ildə Argentina yığması ilə dünya çempionatını, iki dəfə isə Amerika Kubokunu qazanıb. Həmçinin o, Fransanın PSJ klubunda da çıxış edib.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Messi "İnter Mayami"nin ən çox qol vuran futbolçusu olub

Lionel Messi "İnter Mayami" ilə müqaviləni yeniləməyəcək

"Mən televiziyaya çıxmaq üçün işləmirəm" - Qurban Qurbanov