Bakının Nizami rayonunda yerləşən İsmayıl Məmmədov küçəsi 7 ünvanında yaşayan sakinlər məhəllədəki acınacaqlı vəziyyətdən narazıdırlar.

Bu barədə sakinlərdən biri, Ağayeva Nəzakət Əkbər qızı Far.Az-in "qaynar xətti"nə müraciət edib.

Onun sözlərinə görə, həyətin yolları bərbad vəziyyətdədir, küçələrin asfalt örtüyü dağılıb. Məhəllədəki besedkanın ətrafında isə xoşagəlməz vəziyyət yaranıb.

Sakin iddia edir ki, həmin ərazidə avara həyat tərzi keçirən şəxslər və evsiz insanlar toplaşırlar. Onlar burada spirtli içki qəbul edir, məhəllə sakinlərinə sataşır və onları təhqir edirlər.

Nəzakət Ağayeva bildirib ki, yaranmış vəziyyət sakinlərin, xüsusilə də uşaqların və qadınların rahat hərəkət etməsinə mane olur.

Qeyd olunub ki, sakinlər məsələ ilə bağlı polisə də müraciət ediblər. Lakin onların sözlərinə görə, problem hələ də həllini tapmayıb.

Sakinlər aidiyyəti qurumlardan məhəllədə asayişin təmin olunmasını, ərazinin abadlaşdırılmasını və təhlükəsizliklə bağlı tədbirlər görülməsini xahiş edirlər.

Qalereya

Oxşar xəbərlər

Nazir bu müəllimləri təltif edildi - ADLAR

Zəngilanın Məmmədbəyli və Ağalı kəndlərinin sakinlərinə mənzillərin açarları təqdim edilib

Gələcəyə ümidlə baxan uşaqların sağlamlıq arzusu burada gerçəkləşə bilər

Bakının mərkəzində QHT-lər milli baş örtüyü – kəlağayı ilə yürüş keçiriblər

Həyatda yaxşı şeyləri niyə görmürük? - Tanınmış simaların FİKİRLƏRİ